Donald Trump: భారత్‌తో వైరం పెంచుకుంటున్న ట్రంప్.. చైనాతో స్నేహం కోరుకుంటున్నారు. 3 నెలల తర్వాత తొలిసారి జిన్‌పింగ్‌తో ఫోన్‌లో మాట్లాడారు. ఇద్దరి మధ్య స్నేహపూర్వక చర్చలు జరిగాయని, అమెరికాలో టిక్టాక్ యాప్ కొనసాగించడానికి చైనా ఆమోదం తెలిపిందని ట్రంప్ వెల్లడించారు. అమెరికాకు చెందిన ఒరాకిల్, ఆండ్రీసెన్ హొరోవిట్జ్ వంటి కంపెనీలు టిక్టాక్ అమెరికన్ కార్యకలాపాలను కొనుగోలు చేస్తాయని, దీనివల్ల టిక్టాక్ తల్లి కంపెనీ బైట్‌డాన్స్ వాటా 20 శాతం కంటే తక్కువకు పడిపోతుందని సమాచారం. ఇక వచ్చేనెల సౌత్ కొరియాలో జరిగే ఆసియా-పసిఫిక్ ఎకానమిక్ కో-ఆపరేషన్ సమ్మిట్‌లో జిన్‌పింగ్‌ను కలవనున్నట్లు వెల్లడించారు. టిక్టాక్ ఒప్పందం తర్వాత, ట్రంప్ వచ్చే ఏడాది (2026 ప్రారంభంలో) చైనాను సందర్శిస్తానని తెలిపారు.
ఇది కూడా చదవండి: H-1B Visa: అసలు H1B వీసా అంటే ఏంటి?
అలాగే, త్వరలో దక్షిణ కొరియాలో జరిగే APEC శిఖరాగ్ర సమావేశంలో కూడా జిన్‌పింగ్‌ను కలుసుకుంటానని ప్రకటించారు. ఇరు దేశాల మధ్య వాణిజ్య సంబంధాలను మెరుగుపరచడానికి ఈ సమావేశాలు దోహదపడతాయని ఆయన ఆశాభావం వ్యక్తం చేశారు. ఈ పరిణామం ఇరు దేశాల మధ్య వాణిజ్య సంబంధాలను మెరుగుపరుస్తుందని నిపుణులు అభిప్రాయపడుతున్నారు. కాగా టిక్టాక్ నిషేధానికి సంబంధించిన ఓ బిల్లును గతంలో అమెరికా కాంగ్రెస్ ఆమోదించింది. ఈ నేపథ్యంలో, టిక్టాక్ యజమాన్య హక్కులపై అమెరికా-చైనా మధ్య చర్చలు జరుగుతున్నాయి. ట్రంప్-జిన్‌పింగ్‌ల ఫోన్ సంభాషణలో ఈ అంశంపై ఒక ముసాయిదా ఒప్పందం కుదిరినట్లు సమాచారం.ఈ సందర్భంగా, టిక్‌టాక్‌ను తిరిగి అమెరికాలో అందుబాటులోకి తీసుకురావడంపై ట్రంప్ సానుకూలంగా స్పందించారు. ఈ యాప్ అమెరికా యువతకు ఎంతో సంతోషాన్నిస్తుందని వ్యాఖ్యానించారు.