Telangana Rains: తెలంగాణ రాష్ట్రానికి వాతావరణ శాఖ మరోసారి భారీ వర్షాల హెచ్చరికలు జారీ చేసింది. వాయవ్య బంగాళాఖాతంలో బెంగాల్–ఒడిశా తీరాలకు ఆనుకుని ఏర్పడిన అల్పపీడన ప్రభావంతో రానున్న మూడు రోజులపాటు తెలంగాణ రాష్ట్రవ్యాప్తంగా మోస్తరు నుంచి భారీ వర్షాలు కురిసే అవకాశముందని హైదరాబాద్ వాతావరణ కేంద్రం వెల్లడించింది. ఈ వర్షాలతో పాటు గంటకు 30–40 కిలోమీటర్ల వేగంతో ఈదురుగాలులు, ఉరుములు, మెరుపులు సంభవించే అవకాశం ఉందని అధికారులు హెచ్చరించారు.
జిల్లాల వారీగా వర్ష సూచనలు
-
సోమవారం: కొమురం భీం ఆసిఫాబాద్‌, మంచిర్యాల, నిర్మల్‌, పెద్దపల్లి, జయశంకర్-భూపాలపల్లి, ములుగు, భద్రాద్రి-కొత్తగూడెం, ఖమ్మం, సూర్యాపేట జిల్లాల్లో అక్కడక్కడ భారీ వర్షాలు కురిసే అవకాశం ఉంది.
-
మంగళవారం: ఆదిలాబాద్‌, నిజామాబాద్‌, కామారెడ్డి, నిర్మల్‌, భద్రాద్రి-కొత్తగూడెం జిల్లాల్లో భారీ వర్షాలు కురిసే అవకాశం ఉంది.
-
మిగతా జిల్లాల్లో ఉరుములు, మెరుపులు, ఈదురుగాలులతో కూడిన మోస్తరు వర్షాలు పడతాయని వాతావరణ శాఖ తెలిపింది.
-
హైదరాబాద్ నగరం: మేఘావృత వాతావరణం, జల్లులు పడే అవకాశాలు ఉన్నాయని తెలిపింది.
ఇది కూడా చదవండి: Supreme Court: సుప్రీంకోర్టు కీలక తీర్పు.. తెలంగాణ డొమిసైల్ రూల్‌కు గ్రీన్‌సిగ్నల్
దేశవ్యాప్తంగా వర్షపాతం పెరుగుదల
భారత వాతావరణ విభాగం (IMD) ప్రకారం సెప్టెంబర్ నెలలో కూడా దేశవ్యాప్తంగా సాధారణం కంటే అధిక వర్షాలు కురిసే అవకాశం ఉంది. సాధారణంగా ఈ నెలలో 167.9 మిల్లీమీటర్ల వర్షపాతం నమోదవుతుండగా, ఈసారి 109% అధిక వర్షపాతం నమోదయ్యే సూచనలు ఉన్నాయని ఐఎండీ డైరెక్టర్ జనరల్ మృత్యుంజయ్ మోహపాత్ర వెల్లడించారు.
-
ఆగస్టులో దేశవ్యాప్తంగా 268.1 మిల్లీమీటర్లు వర్షపాతం నమోదైది – సాధారణం కంటే 5% ఎక్కువ.
-
తెలంగాణలో ఆగస్టులో 378.5 మిల్లీమీటర్లు వర్షపాతం నమోదు కాగా, ఇది సాధారణం కంటే 75% అధికం.
-
జూన్ 1 నుంచి ఇప్పటివరకు రాష్ట్రంలో 720.6 మిల్లీమీటర్ల వర్షపాతం నమోదైంది, ఇది 26% అధికం.
-
దక్షిణ భారతదేశంలో ఆగస్టులో 31% ఎక్కువ వర్షపాతం నమోదైందని అధికారులు తెలిపారు.
ప్రజలకు సూచనలు
వచ్చే మూడు రోజులు రాష్ట్రవ్యాప్తంగా వర్షాలు మరింతగా పెరిగే అవకాశాలు ఉన్నందున ప్రజలు అప్రమత్తంగా ఉండాలని, అవసరం లేని ప్రయాణాలను తగ్గించాలని వాతావరణ శాఖ సూచించింది. అధికారులు జలప్రవాహాలు, లోతట్టు ప్రాంతాలు, చెరువులు, వాగుల వద్ద జాగ్రత్తలు తీసుకోవాలని హెచ్చరిస్తున్నారు.
Today’s FORECAST ⚠️🌧️
HEAVY RAINFALL WARNING ⚠️
Ongoing INTENSE RAINS in Mulugu, Mahabubabad, Bhupalapally, Bhadradri – Kothagudem will reduce after 2hrs
Once again during evening to morning, HEAVY DOWNPOURS ahead in North, East TG like Adilabad, Asifabad, Nirmal,…
— Telangana Weatherman (@balaji25_t) September 1, 2025