Honey: తేనె అంటే అందరికీ ఇష్టమే. తేనె వల్ల అనేక ఆరోగ్య ప్రయోజనాలు ఉన్నాయి. ఇందులో శరీరానికి అవసరమైన పోషకాలతో పాటు అధిక మొత్తంలో ఫ్రక్టోజ్ ఉంటుంది. కాబట్టి, దీన్ని ప్రతిరోజూ పెద్ద పరిమాణంలో తినకూడదు. ఆరోగ్య నిపుణుల అభిప్రాయం ప్రకారం రోజుకు 25 గ్రాముల కంటే తక్కువ ఫ్రక్టోజ్ తీసుకోవాలి. తేనె ప్రకృతి ప్రసాదించిన ఒక అమూల్యమైన బహుమతి. ఇది అనేక వ్యాధుల నుండి మనల్ని రక్షిస్తుంది. తేనె తినడం వల్ల కిడ్నీలో రాళ్ళు కరిగిపోతాయి. కఫం తొలగిపోతుంది. కాలేయం ఆరోగ్యంగా ఉంటుంది. అదేవిధంగా స్త్రీలకు క్రమం తప్పకుండా పీరియడ్స్ రావడంలో బాగా పనిచేస్తుంది. తల్లులలో పాల ఉత్పత్తి పెరుగుతుంది.
తేనె త్వరగా జీర్ణమవుతుంది. ఇది రక్తంలో కలిసిపోయి మన శరీరానికి శక్తిని ఇస్తుంది. తేనెను వేడి పదార్థాలతో కలిపి తీసుకోవడం వల్ల మన శరీరంపై వేడి ప్రభావం ఉంటుంది. చల్లని ఆహార పదార్థాలతో కలిపి తీసుకుంటే ఇది చల్లదనాన్ని కలిగిస్తుంది. తేనెలో సమృద్ధిగా ఉండే పొటాషియం వ్యాధికారక సూక్ష్మజీవులను చంపుతుంది. టైఫాయిడ్, బ్రోన్కైటిస్ వంటి వ్యాధులకు కారణమయ్యే అనేక క్రిములను తేనె చంపుతుంది. తేనెలో ఐరన్, మాంగనీస్, రాగి, సిలికా, పొటాషియం, కాల్షియం, భాస్వరం, అయోడిన్, సల్ఫర్, కెరోటిన్ విటమిన్లు పుష్కలంగా ఉన్నాయి.
కొలెస్ట్రాల్ను నియంత్రిస్తుంది
70 గ్రాముల తేనెను 30 రోజుల పాటు తినడం వల్ల శరీరంలో కొలెస్ట్రాల్ స్థాయిలు 3శాతం తగ్గాయని ఒక అధ్యయనంలో తేలింది. మరో అధ్యయనంలో 8శాతం తగ్గుదల కనిపించింది. తేనె తినడం వల్ల శరీరంలో మంచి కొలెస్ట్రాల్ పెరుగుతుంది. తేనెలోని యాంటీఆక్సిడెంట్లు మన శరీరానికి హాని కలిగించే ఫ్రీ రాడికల్స్ తో పోరాడుతాయి. ఇది మన శరీరాన్ని రక్షించడంలో చాలా ప్రభావవంతంగా పనిచేస్తుంది.
జలుబు, దగ్గును తగ్గిస్తుంది
తేనెలో జలుబు, దగ్గులను తగ్గించే గుణాలు ఉన్నాయి. తేనె తినడం వల్ల రాత్రిపూట దగ్గు తగ్గుతుంది. పిల్లలు ప్రశాంతంగా నిద్రపోవడానికి సహాయపడుతుంది. తేనె ఒక సాధారణ దగ్గు అణిచివేత అయిన డెక్స్ట్రోమెథోర్ఫాన్ లాగా పనిచేస్తుందని నిపుణులు చెబుతున్నారు. వేడి నీటిలో నిమ్మరసం, తేనె కలిపి తాగితే జలుబు తగ్గుతుంది.
గాయాలు మాయం..
తేనెలో యాంటీ బాక్టీరియల్, యాంటీమైక్రోబయల్ లక్షణాలు పుష్కలంగా ఉన్నాయి. ఇవి శరీరానికి హాని కలిగించే బ్యాక్టీరియా పెరుగుదలను నిరోధిస్తాయి. అందువల్ల, గాయాలు, కాలిన గాయాలు తేనెతో త్వరగా నయమవుతాయి. దీనికోసం గాయాలకు తేనె రాయాలి.
బరువు తగ్గడానికి సాయం
తేనె బరువు తగ్గడానికి సహాయపడుతుంది. దీన్నివల్ల ఎటువంటి సైడ్ ఎఫెక్ట్స్ లేకుండా సులభంగా బరువు తగ్గవచ్చు. తేనె శరీరంలోని అదనపు కొవ్వును కాల్చడానికి జీవక్రియను పెంచుతుంది. దీని కోసం ఉదయం ఖాళీ కడుపుతో నిమ్మరసంలో తేనె కలుపుకుని త్రాగాలి.
రోగనిరోధక శక్తిని పెంచుతుంది
తేనెలో మిథైల్గ్లైక్సాల్ పుష్కలంగా ఉంటుంది. ఇది యాంటీ బాక్టీరియల్ లక్షణాలను కలిగి ఉంటుంది. ఇది రోగనిరోధక శక్తిని పెంచడానికి సహాయపడుతుంది. ఇది అనేక వ్యాధులు, కాలానుగుణ సమస్యల నుండి దూరంగా ఉంచుతుంది.
గొంతు నొప్పిని తగ్గిస్తుంది
తేనెలో మిథైల్గ్లైక్సాల్ అధికంగా ఉంటుంది. ఇది గొంతు సమస్య అయిన టాన్సిలిటిస్‌కు కారణమయ్యే స్ట్రెప్టోకోకస్ బ్యాక్టీరియాను చంపుతుంది. దీని కోసం మీరు తేనె కలిపిన వేడి నీటిని త్రాగాలి.