Road Accident: ఆంధ్రప్రదేశ్‌లోని గుంటూరు జిల్లాలో దారుణం చోటుచేసుకుంది. నారా కోడూరు – బుడంపాడు గ్రామాల మధ్య జరిగిన ఘోర రోడ్డు ప్రమాదంలో ముగ్గురు మహిళలు ప్రాణాలు కోల్పోయారు. ఈ ఘటన స్థానికంగా తీవ్ర విషాదాన్ని మిగిల్చింది.
ఎలా జరిగింది?
సుద్ధపల్లి గ్రామానికి చెందిన కొంతమంది మహిళలు కూలి పనుల నిమిత్తం గుంటూరుకు బయలుదేరారు. వారు ప్రయాణిస్తున్న ఆటోను ఓ ఆర్టీసీ బస్సు ఎదురుగా ఢీకొట్టింది. ఈ ప్రమాదంలో ముగ్గురు మహిళలు అక్కడికక్కడే మరణించగా, మరికొందరు తీవ్రంగా గాయపడ్డారు.
ఇది కూడా చదవండి: Delhi Earthquake: ఢిల్లీని వణికించిన భూకంపం
సహాయ చర్యలు
ప్రమాదాన్ని గమనించిన స్థానికులు వెంటనే పోలీసులకు సమాచారం ఇచ్చారు. సంఘటనా స్థలానికి చేరుకున్న పోలీసులు క్షతగాత్రులను గుంటూరు ప్రభుత్వ ఆసుపత్రికి (జీజీహెచ్) తరలించారు. ప్రస్తుతం వారికి చికిత్స అందిస్తున్నారు.
పోలీసుల దర్యాప్తు
పోలీసులు కేసు నమోదు చేసి ప్రమాదానికి గల కారణాలను విచారిస్తున్నారు. బస్సు డ్రైవర్ నిర్లక్ష్యమే కారణమా? లేక వేరే కారణాలున్నాయా? అనే కోణంలో దర్యాప్తు చేస్తున్నారు.