Gold Price Today: Gold Rate: బంగారం ఈ మాట వినగానే మన దేశంలో అందరి కళ్లూ మెరుస్తాయి. అలంకరణ కోసం మహిళలతో పాటు పురుషులు కూడా బంగారం కొనాలని తహతహలాడతారు. వీలైనప్పుడల్లా బంగారం కొని దాచుకుంటే ఆపదకాలంలో ఆడుకుంటుంది అని ఎక్కువ మంది భావిస్తారు. ఇక పెళ్లిళ్ల వంటి శుభసందర్భాల్లో బంగారం లేకుండా కార్యక్రమం జరగదు. వధూవరులకు చేయించే నగల దగ్గర నుంచి కానుకలుగా ఇరు కుటుంబాల మధ్యలో బంగారం ఇచ్చి పుచ్చుకోవడం జరుగుతుంది. అందుకే మన దేశంలో బంగారానికి విపరీతమైన డిమాండ్.
Gold Rate: అయితే, బంగారం ధరలు ఎప్పటికప్పుడు మారిపోతూ ఉంటాయి. ఉదయం ఉన్న ధర సాయంత్రానికి మారిపోతుంది. దీనికి చాలా కారణాలు ఉన్నాయి. వాటిలో ప్రధానమైనది అంతర్జాతీయంగా వచ్చే మార్పులు. ఉదాహరణకి ఎక్కడైనా యుద్ధ వాతావరణం లేదా ఏ దేశంలోనైనా రాజకీయ పరిణామాలు మారె పరిస్థితి ఉంటే కూడా బంగారం ధరలు ప్రభావితం అవుతాయి. అలాగే, ప్రపంచవ్యాప్తంగా ఉన్న డిమాండ్ కూడా ధరలు మారడానికి కారణంగా ఉండొచ్చు. అలాగే స్థానికంగా కూడా ఉండే డిమాండ్ ఆధారంగా ఆయా నగరాల్లో బంగారం ధరల్లో మార్పులు చేర్పులు వచ్చే అవకాశం ఉంటుంది. అటువంటి పరిస్థితుల్లో బంగారం కొనాలని అనుకునేటప్పుడు ధరల గురించి పరిశీలించడం మంచిది.
ఇది కూడా చదవండి: Today Horoscope In Telugu: ఈ రాశి వారు సంపూర్ణ ఆరోగ్యంగా ఉంటారు
Gold Rate: అంతర్జాతీయంగా బంగారం ధరల్లో తగ్గుదల కనిపిస్తోంది. అయితే, మన దేశంలో మాత్రం బంగారం ధరలు ఈరోజు స్వల్పంగా పెరిగాయి. హైదరాబాద్ లో బంగారం ధరలు పది గ్రాములకు 100 రూపాయలు పెరిగాయి. ఈరోజు అంటే 17.12.2024న హైదరాబాద్ లో 22 క్యారెట్ల బంగారం ధరలు 10 గ్రాములకు 71,500 రూపాయలుగా ఉంది. అలాగే, 24 క్యారెట్ల బంగారం ధర 110 రూపాయలు పెరిగి తులం ధర 77,990 రూపాయల వద్ద నిలిచింది.
Gold Rate: ఇక హైదరాబాద్ లో వెండి విషయానికి వస్తే వెండి ధరలు మార్పులు లేకుండా ఉన్నాయి . దీంతో కేజీ వెండి ధర లక్ష రూపాయల వద్ద ఉంది. మన తెలుగురాష్ట్రాల్లో ఇతర ప్రాంతాల విషయానికి వస్తే, విజయవాడ, విశాఖపట్నం, తిరుపతి, వరంగల్, కరీంనగర్, ఖమ్మం వంటి ప్రాంతాల్లో కూడా బంగారం, వెండి ధరలు కాస్త అటూ ఇటూగా ఇలానే ఉన్నాయి. అదేవిధంగా దేశరాజధాని ఢిల్లీ విషయానికి వస్తే 22 క్యారెట్ల బంగారం 10 గ్రాములకు 100 రూపాయలు పెరిగి 71,650 రూపాయల వద్ద నమోదు అవుతోంది. అలాగే 24 క్యారెట్ల బంగారం ధర 10 గ్రాములకు 110 రూపాయలు పెరిగి 78,150 రూపాయల వద్ద ఉంది . అలాగే వెండి ధరల విషయానికి వస్తే కేజీ వెండి ఢిల్లీలో మార్పులు లేకుండా 92,500 రూపాయల వద్ద నిలిచింది.
అంతర్జాతీయంగా బంగారం, వెండి ధరల్లో స్వల్ప తగ్గుదల కనిపిస్తోంది. ఈరోజు 18.12.2024 ఉదయం 7:30 గంటలకు 72,340 రూపాయలుగా పది గ్రాముల బంగారం ధర ఉంది . అలాగే వెండి కేజీకి 83,256 రూపాయలుగా నమోదు అవుతోంది .
Gold Rate: ఇక్కడ ఇచ్చిన బంగారం ధరలు ఈరోజు అంటే 18.12.2024 ఉదయం మార్కెట్ ప్రారంభ సమయానికి ఉన్న ధరలు. అంతర్జాతీయంగా వచ్చే మార్పులు, స్థానికంగా ఉండే డిమాండ్, స్థానిక పన్నులు వంటి కారణాలతో బంగారం, వెండి ధరలు ఎప్పటికప్పుడు మారుతూ ఉంటాయి. బంగారం, వెండి కొనాలని అనుకునేటప్పుడు మీ ప్రాంతంలో రెండు మూడు దుకాణాల్లో వెరిఫై చేసుకుని నిర్ణయం తీసుకోవాల్సిందిగా మహాన్యూస్ సూచిస్తోంది.