Duleep Trophy 2025: దులీప్ ట్రోఫీ 2025 షెడ్యూల్ విడదలైంది. ఈ టోర్నమెంట్ భారత దేశవాళీ క్రికెట్ సీజన్‌ను ప్రారంభిస్తుంది. దులీప్ ట్రోఫీ అనేది భారత దేశవాళీ క్రికెట్ టోర్నమెంట్‌లో అత్యంత ప్రతిష్టాత్మకమైనది. భారత క్రికెట్ సీజన్‌ను ఇది ఆరంభిస్తుంది. ఈ టోర్నమెంట్‌లో దేశంలోని అత్యుత్తమ క్రికెటర్లు పాల్గొంటారు. 2025 సీజన్ ఆగస్టు 28న ప్రారంభమై సెప్టెంబర్ 15న ముగుస్తుంది. ఈ ఏడాది దులీప్ ట్రోఫీని మళ్లీ పాత జోనల్ ఫార్మాట్లోకి మార్చారు. గతంలో రెండు సీజన్లలో కేవలం ఇండియా-ఎ, బి, సి జట్లు ఆడేవి. కానీ ఇప్పుడు సాంప్రదాయకంగా ఉండే సౌత్ జోన్, నార్త్ జోన్, వెస్ట్ జోన్, సెంట్రల్ జోన్, ఈస్ట్ జోన్, మరియు నార్త్ ఈస్ట్ జోన్ జట్లు తలపడతాయి. ఈ మార్పు వల్ల దేశంలోని వివిధ ప్రాంతాల నుంచి ఎక్కువ మంది ఆటగాళ్లకు అవకాశం లభిస్తుంది. టోర్నమెంట్ మొత్తం కర్ణాటకలోని బెంగళూరులో ఉన్న బీసీసీఐ సెంటర్ ఆఫ్ ఎక్సలెన్స్ (BCCI Centre of Excellence – NCA) లో జరుగుతుంది. అన్ని మ్యాచ్‌లు అక్కడే నిర్వహించబడతాయి. బెంగళూరులోని బీసీసీఐ సెంటర్ ఆఫ్ ఎక్సలెన్స్ (BCCI Centre of Excellence) లో ఈ టోర్నీలోని అన్ని మ్యాచ్‌లు జరగనున్నాయి.
Also Read: Sanju Samson: ఊతికారేశాడు భయ్యా..సంజు శాంసన్ మెరుపు సెంచరీ!
షెడ్యూల్:
క్వార్టర్-ఫైనల్ 1: ఆగస్టు 28-31, 2025: నార్త్ జోన్ vs ఈస్ట్ జోన్
క్వార్టర్-ఫైనల్ 2: ఆగస్టు 28-31, 2025: సెంట్రల్ జోన్ vs నార్త్ ఈస్ట్ జోన్
సెమీ-ఫైనల్ 1: సెప్టెంబర్ 4-7, 2025: సౌత్ జోన్ vs క్వార్టర్-ఫైనల్ 1 విజేత
సెమీ-ఫైనల్ 2: సెప్టెంబర్ 4-7, 2025: వెస్ట్ జోన్ vs క్వార్టర్-ఫైనల్ 2 విజేత
ఫైనల్: సెప్టెంబర్ 11-15, 2025: సెమీ-ఫైనల్ 1 విజేత vs సెమీ-ఫైనల్ 2 విజేత
గత సీజన్‌లో ఫైనలిస్టులుగా నిలిచిన సౌత్ జోన్, వెస్ట్ జోన్ జట్లు నేరుగా సెమీ-ఫైనల్స్‌కు అర్హత సాధించాయి.
ఆగస్టు 25, 2025 నాటికి ఈ షెడ్యూల్ అధికారికంగా ప్రకటించబడింది.
మ్యాచ్‌లు అన్ని భారత కాలమానం ప్రకారం ఉదయం 9:30 గంటలకు ప్రారంభమవుతాయి.