Danam Nagender: తెలంగాణ హైకోర్టు విధించిన శాసనసభ సభ్యత్వ అనర్హత వేటును దేశ అత్యున్నత న్యాయస్థానం సుప్రీంకోర్టు సమర్థించిన నేపథ్యంలో ఖైరతాబాద్ మాజీ ఎమ్మెల్యే దానం నాగేందర్ స్పందించారు. సుప్రీంకోర్టు వెలువరించిన తీర్పును తాను మనస్ఫూర్తిగా స్వాగతిస్తున్నానని ప్రకటించారు. చట్టపరంగా చేయాల్సిన అన్ని ప్రయత్నాలు చేయడం తన బాధ్యత అని, అందుకే న్యాయపోరాటం చేశానని వివరించారు. కోర్టు తీర్పు ఇలా వస్తుందని ముందే ఊహించినప్పటికీ, రాజ్యాంగంలోని 10వ షెడ్యూల్ నిబంధనల ప్రకారం కొంత ఊరట లభిస్తుందేమోనని భావించి న్యాయస్థానాన్ని ఆశ్రయించానని స్పష్టం చేశారు.
ఖైరతాబాద్ ఉప ఎన్నికల్లోనూ జూబ్లీహిల్స్ ఉప ఎన్నిక తరహా ఫలితాలే పునరావృతమవుతాయని దానం వ్యాఖ్యానించారు. బీఆర్ఎస్ నుంచి గెలిచి కాంగ్రెస్ ఎంపీ అభ్యర్థిగా పోటీ చేయడంతో మొదలైన ఈ న్యాయపోరాటం సుప్రీంకోర్టు తీర్పుతో ముగియగా.. ఖైరతాబాద్ ఉప ఎన్నిక రాకతో నియోజకవర్గంలో సరికొత్త రాజకీయ సమీకరణాలు మొదలయ్యాయి.