Danam Nagender: ఖైరతాబాద్ ఎమ్మెల్యే దానం నాగేందర్పై తెలంగాణ హైకోర్టు విధించిన అనర్హత వేటు వ్యవహారం దేశ అత్యున్నత న్యాయస్థానమైన సుప్రీంకోర్టులో కీలక మలుపు తిరిగింది. హైకోర్టు ఇచ్చిన తీర్పును సవాల్ చేస్తూ దానం నాగేందర్ దాఖలు చేసిన పిటిషన్ను సుప్రీంకోర్టు ధర్మాసనం ఎదుట ఆయన తరఫు సీనియర్ న్యాయవాది ముకుల్ రోహత్గి అత్యవసరంగా మెన్షన్ చేశారు. వాదనలను పరిగణనలోకి తీసుకున్న సర్వోన్నత న్యాయస్థానం ఈ కేసును బుధవారం నాడు విచారించనున్నట్లు స్పష్టం చేసింది.
సుప్రీంకోర్టులో ముకుల్ రోహత్గి వాదనలు – స్టే ఇవ్వాలని అభ్యర్థన..
ప్రతివాదుల తీవ్ర అభ్యంతరం – ఇప్పటికే కేవియట్లు దాఖలు..
పోరాటం నాకు కొత్త కాదు.. ఉపఎన్నిక వచ్చినా గెలుస్తా.. దానం ధీమా
హైకోర్టు తీర్పు తర్వాత ముఖ్యమంత్రి రేవంత్ రెడ్డిని కలిసినట్లు దానం నాగేందర్ వెల్లడించారు. “సీఎం నన్ను ఫైటర్గా అభివర్ణించి, న్యాయపోరాటం చేయాలని సూచించారు. నాకు పోరాటాలు కొత్తేమీ కాదు. ఒకవేళ న్యాయస్థానాల్లో ఊరట లభించక ఖైరతాబాద్ ఉపఎన్నిక అనివార్యమైనా మళ్లీ బరిలోకి దిగి ఘన విజయం సాధిస్తాను” అని ఆయన ధీమా వ్యక్తం చేశారు. బుధవారం సుప్రీంకోర్టు తీసుకోబోయే నిర్ణయంపైనే దానం రాజకీయ భవితవ్యం, ఖైరతాబాద్ నియోజకవర్గ భవిష్యత్తు ఆధారపడి ఉండటంతో సర్వత్రా తీవ్ర ఉత్కంఠ నెలకొంది.