Category: Latest News

Terrorist Conspiracy: హైదరాబాద్ చంచల్‌గూడ జైలులో ఉన్న ఉగ్రవాదులు నగరంపై దాడులకు కుట్ర పన్నినట్లు నిఘా వర్గాలు గుర్తించాయి. అదే సమయంలో ఢిల్లీలోని ఎర్రకోట మరియు చాందినీ చౌక్ వద్ద పేలుళ్లకు లష్కరే తోయిబా ప్లాన్ చేస్తున్నట్లు సమాచారం అందడంతో పోలీసులు దేశవ్యాప్తంగా భద్రతను కట్టుదిట్టం చేశారు.

Kamareddy: కామారెడ్డిలో బీజేపీ, కాంగ్రెస్ శ్రేణుల మధ్య భూ వివాదంపై చెలరేగిన మాటల యుద్ధం దాడులకు దారితీసింది. ఎమ్మెల్యే కాటిపల్లి వెంకటరమణారెడ్డిని పోలీసులు గృహనిర్బంధం చేయగా, కాంగ్రెస్ నేత మహేందర్ రెడ్డి కారును బీజేపీ కార్యకర్తలు ధ్వంసం చేశారు. పట్టణంలో శాంతిభద్రతలను కాపాడేందుకు పోలీసులు భారీగా మోహరించారు.

Free Tomatoes: మహబూబాబాద్ జిల్లాలో టమాటా ధరలు కిలోకు రూ. 2-3 కు పడిపోవడంతో రైతులు తీవ్రంగా నష్టపోయారు. అప్పులు తెచ్చి పండించిన పంటకు రవాణా ఖర్చులు కూడా రాకపోవడంతో ఆగ్రహించిన అన్నదాతలు, రోడ్డుపై టమాటాలను పారబోసి తమ నిరసనను వ్యక్తం చేశారు. ప్రభుత్వం వెంటనే స్పందించి గిట్టుబాటు ధర కల్పించాలని కోరుతున్నారు.