Buchi Babu Sana: మెగా పవర్స్టార్ రామ్ చరణ్, డైరెక్టర్ బుచ్చిబాబు సన కాంబినేషన్లో వస్తున్న మోస్ట్ అవైటెడ్ రస్టిక్ మాస్ డ్రామా ‘పెద్ది’ జూన్ 4న ప్రపంచవ్యాప్తంగా గ్రాండ్గా విడుదల కాబోతోంది. ఈ సమ్మర్ బాక్సాఫీస్ను షేక్ చేయడమే లక్ష్యంగా వస్తున్న ఈ సినిమా కాస్టింగ్ గురించి ఒక ఆసక్తికరమైన నిజాన్ని డైరెక్టర్ తాజాగా బయటపెట్టారు.
ఈ సినిమాలో రామ్ చరణ్ సరసన బాలీవుడ్ భామ జాన్వీ కపూర్ నటిస్తున్న సంగతి తెలిసిందే. జూనియర్ ఎన్టీఆర్ ‘దేవర’ తర్వాత తెలుగులో ఆమెకు ఇది బ్యాక్-టు-బ్యాక్ రెండో భారీ ప్రాజెక్ట్. అయితే, ఈ రోల్ కోసం చిత్ర యూనిట్ మొదట జాన్వీని అనుకోలేదట!
ఖుషీ కపూర్ చేజార్చుకున్న మెగా ఛాన్స్!
సినిమా ప్రమోషన్ల ఇంటర్వ్యూలో బుచ్చిబాబు సన మాట్లాడుతూ.. ఈ కథలోని హీరోయిన్ పాత్ర కోసం తాము మొదట జాన్వీ కపూర్ సొంత చెల్లెలు ఖుషీ కపూర్ (Khushi Kapoor) ను ఫస్ట్ ఛాయిస్గా అనుకున్నట్లు అంగీకరించారు. ఆమెకు కథ కూడా చెప్పాము కానీ, తర్వాత ఈ క్యారెక్టర్కు ఆమె చిన్నగా కనిపించడంతో జాన్వీ కపూర్ను సెలెక్ట్ చేశాం. కానీ చెల్లిని రిజెక్ట్ చేసి అదే ఇంట్లో ఇంకొకరికి కథ చెప్పాలంటే ఎలాగో అనిపించిందని గుర్తుచేసుకున్నారు.
మిస్సయిన మైండ్ బ్లోయింగ్ డెబ్యూ!
ఒకవేళ ఖుషీ కపూర్ గనుక ఈ ప్రాజెక్ట్కు సైన్ చేసి ఉంటే, టాలీవుడ్లో రామ్ చరణ్ లాంటి గ్లోబల్ స్టార్ సరసన ఆమెకు ఇది ఒక మైండ్ బ్లోయింగ్ డెబ్యూ (భారీ పరిచయం) అయ్యేదని సినీ విశ్లేషకులు అభిప్రాయపడుతున్నారు. కానీ, ఏదేమైనా ఆ మెగా ఆఫర్ చివరికి వాళ్ల ఇంట్లోనే అక్క జాన్వీ కపూర్ను వరించడం విశేషం. ఈ వేసవిలో బాక్సాఫీస్ దాహాన్ని తీర్చే అసలైన మాస్ బొమ్మ ఇదేనని ఫ్యాన్స్ గట్టిగా నమ్ముతున్నారు.