Bony Kapoor: సంధ్య థియేటర్ ఘటనపై బాలీవుడ్ ప్రముఖ నిర్మాత బోనీ కపూర్ తన అభిప్రాయాలను వ్యక్తం చేస్తూ అల్లు అర్జున్‌కు మద్దతు తెలిపారు. ఆయన మాట్లాడుతూ, అటువంటి సంఘటనలకు ఒక్క వ్యక్తినే బాధ్యుడిగా చేయడం అన్యాయమని పేర్కొన్నారు.
“చిరంజీవి, రజనీకాంత్, అల్లు అర్జున్ వంటి స్టార్ హీరోల సినిమాలకు మొదటి రోజు భారీగా ప్రేక్షకులు థియేటర్‌లకు వస్తారు. ఆ రోజు థియేటర్ దగ్గరకు కొన్ని వేల మంది అభిమానులు చేరుకున్నారు. అంత మంది ప్రేక్షకులను ఒకే చోట చూసినది అప్పుడే తొలిసారి. ఈ క్రమంలో అనుకోకుండా కొన్ని సమస్యలు తలెత్తినప్పటికీ, అల్లు అర్జున్‌ను మాత్రమే బాధ్యుడిని చేయడం సరికాదు,” అని బోనీ కపూర్ ఒక ఇంటర్వ్యూలో పేర్కొన్నారు.
అల్లు అర్జున్ ప్రఖ్యాత వ్యక్తి కావడం వల్లే ఇలాంటి విమర్శలు రావచ్చని, కానీ ఆయనను తప్పుబట్టడం సమంజసమైనది కాదని బోనీ కపూర్ స్పష్టం చేశారు. ఇలాంటి ఘటనలు అనుకోకుండా జరిగే అంశాలు, అందువల్ల ఒక వ్యక్తిని లక్ష్యంగా చేసుకోవడం పట్ల ఆయన ఆందోళన వ్యక్తం చేశారు.
బోనీ కపూర్ చేసిన ఈ వ్యాఖ్యలు అల్లు అర్జున్ అభిమానుల్లో సానుకూల ప్రభావాన్ని చూపించాయి. పెద్ద హీరోల సినిమాలకు ముందే రద్దీని క్రమబద్ధం చేయడం మరియు మంచి ఏర్పాట్లు చేయడం వల్ల ఇలాంటి ఘటనలు నివారించవచ్చని ఆయన సూచించారు.