Punjab: పంజాబ్‌లోని అమృత్‌సర్‌లోని ఇస్లామాబాద్ పోలీస్ స్టేషన్ సమీపంలో ఈరోజు తెల్లవారుజామున భారీ అనుమానాస్పద పేలుడు శబ్దం వినిపించింది. తెల్లవారుజామున 3 గంటల ప్రాంతంలో పేలుడు శబ్ధం వినిపించడంతో ఆ ప్రాంత ప్రజలు భయాందోళనకు గురయ్యారని చెబుతున్నారు. తమకు కూడా శబ్దం వినిపించిందని, అయితే పోలీస్ స్టేషన్‌లో ఎలాంటి పేలుడు సంభవించలేదని ఇస్లామాబాద్ పోలీస్ స్టేషన్ ఆఫీసర్ జస్బీర్ సింగ్ తెలిపారు. ఎక్కడ పేలుడు సంభవించిందనేది ఆరా తీస్తున్నారు.తెల్లవారుజామున 3 గంటల సమయంలో పేలుడు సంభవించినట్లు స్థానికులు చెబుతున్నారు. పేలుడు చాలా బలంగా ఉంది, ఇంటి లోపల గోడపై ఉన్న చిత్రం కూడా పడిపోయింది.
ఇస్లామాబాద్ పోలీస్ స్టేషన్‌లో జరిగిన పేలుడుకు గ్యాంగ్‌స్టర్ జీవన్ ఫౌజీ బాధ్యత వహించిన పోస్ట్ సోషల్ మీడియాలో వైరల్ అవుతోంది. అమృత్‌సర్‌లోని ఇస్లామాబాద్ పోలీస్ స్టేషన్‌పై విసిరిన గ్రెనేడ్‌కు ఈ రోజు నేనే బాధ్యత వహిస్తున్నాను, 1984 నుండి ప్రభుత్వాల సహకారంతో సిక్కులు,వారి కుటుంబాలకు వారు ఏమి చేశారో పోలీసులకు చెప్పడానికి ఇది జరిగింది అని పోస్ట్‌లో పేర్కొన్నారు.
ఇది కూడా చదవండి: BRS: బీఆర్ఎస్ ఎమ్మెల్యేల వినూత్న నిర‌స‌న
Punjab: అంతకుముందు, అమృత్‌సర్‌లోని మజితా పోలీస్ స్టేషన్‌లో పేలుడు సంభవించింది. పేలుడు ధాటికి పోలీస్ స్టేషన్ అద్దాలు పగిలిపోయాయి. ఈ పేలుడు అనంతరం ఆ ప్రాంతంలో భయాందోళనలు వ్యాపించాయి. పోలీస్ స్టేషన్ గేట్ సమీపంలోని బహిరంగ ప్రదేశంలో పేలుడు సంభవించింది. ఘటన అనంతరం పోలీస్ స్టేషన్ గేట్లను మూసివేశారు.
అమృత్‌సర్‌ పోలీస్ కమిషనర్‌ గురుప్రీత్‌ సింగ్ భుల్లర్‌ కూడా పోలీస్ స్టేషన్‌కు చేరుకున్నారు. పోలీస్ స్టేషన్ లోపలే ఉన్నామని చెప్పారు. పోలీస్ స్టేషన్ లోపల ఎలాంటి పేలుడు జరగలేదు, కానీ మేము దర్యాప్తు చేస్తున్నాము. ఈ ఉదయం ఖచ్చితంగా పేలుడు శబ్దం వినిపించింది. మేము ఇటీవల UAPA కింద 10 మందిని అరెస్టు చేయడం ద్వారా ఒక మాడ్యూల్‌ను ఛేదించాము. నేరపూరిత కార్యకలాపాలకు పాల్పడుతున్నవారు నైరాశ్యంతో తమ ఉనికిని నమోదు చేసుకునేందుకు ఇలాంటి ఘటనలకు పాల్పడుతున్నట్లు తెలుస్తోంది. మిగిలిన వారిని కూడా త్వరలోనే పట్టుకుంటాం అని ఆయన చెప్పారు.