Bipasha Basu: కొత్త ప్రొటీన్ పౌడర్ డబ్బాలో పురుగులు.. షాకింగ్ వీడియో షేర్ చేసిన బిపాసా బసు.. !

తాజాగా కొనుగోలు చేసిన ‘ఇసోప్యూర్’ (Isopure) ప్రొటీన్ పౌడర్ డబ్బాను తెరవగానే అందులో పురుగులు కనిపించాయని బిపాసా తెలిపారు. తన వేలి కొనపై ఉన్న చిన్న పురుగును, గ్లాసులోని పౌడర్‌లో తేలుతున్న కీటకాలను జూమ్ చేసి చూపిస్తూ వీడియోను ఇన్‌స్టాగ్రామ్ స్టోరీస్‌లో షేర్ చేశారు.

ఆహార భద్రత, కల్తీ నియంత్రణలో నిక్కచ్చిగా వ్యవహరిస్తూ వరుస తనిఖీలు చేపడుతున్న ఐఏఎస్ అధికారి తుకారాం ముండేకు ప్రస్తుతం బాలీవుడ్ ప్రముఖుల నుంచి విశేష మద్దతు లభిస్తోంది:

గతంలో నటి ప్రీతి జింటా ‘టీమ్ తుకారాం ముండే’ రాసి ఉన్న టీ-షర్టుతో కనిపించి ఆయనకు మద్దతు తెలిపారు.నటుడు మనోజ్ బాజ్‌పాయ్ కూడా బహిరంగంగా ఆయన పనితీరును ప్రశంసించారు.ఇటీవల నటి శ్వేతా తివారీ క్విక్-కామర్స్ ద్వారా ఆర్డర్ చేసిన డ్రింక్‌లో బొద్దింక కనిపించడంతో ముండేకు ఫిర్యాదు చేశారు. ఇప్పుడు బిపాసా సైతం ఆయనకే నేరుగా ఫిర్యాదు చేయడం ప్రాధాన్యం సంతరించుకుంది.

2016లో నటుడు కరణ్ సింగ్ గ్రోవర్‌ను వివాహం చేసుకున్న బిపాసాకు 2022లో కుమార్తె దేవి జన్మించింది. కుటుంబానికే ప్రాధాన్యతనిస్తూ కొంతకాలం సినిమాలకు దూరంగా ఉన్న ఆమె, చివరిగా 2020లో ‘డేంజరస్’ వెబ్ సిరీస్‌లో కనిపించారు. ప్రస్తుతం దర్శకుడు హన్సల్ మెహతా తెరకెక్కిస్తున్న ‘బరాబంకి’ అనే క్రైమ్ థ్రిల్లర్ సిరీస్‌తో రీ-ఎంట్రీ ఇవ్వడానికి సిద్ధమవుతున్నారు. ఈ ఘటన నేపథ్యంలో ప్రొటీన్ సప్లిమెంట్లు కొనుగోలు చేసే వినియోగదారులు సీల్, బ్యాచ్ నంబర్, ఎక్స్‌పైరీ డేట్‌లను జాగ్రత్తగా పరిశీలించాలని నిపుణులు సూచిస్తున్నారు.