CM Chandrababu: ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఈరోజు తన సతీమణి నారా భువనేశ్వరి పుట్టినరోజు సందర్భంగా శుభాకాంక్షలు తెలిపారు. సామాజిక మాధ్యమం ‘ఎక్స్’ ద్వారా ఆయన తన సతీమణి పట్ల తన ప్రేమను, కృతజ్ఞతను వ్యక్తం చేశారు.
చంద్రబాబు సందేశం:
“భువనేశ్వరి ప్రేమే మా కుటుంబానికి బలం, పునాది” అని చంద్రబాబు తన సందేశంలో పేర్కొన్నారు. జీవితంలో ఎదురైన అన్ని కష్టసుఖాలలో భువనేశ్వరి తన పక్కనే నిలబడ్డారని, ఆమె తన జీవితానికి వెలుగు వంటివారని ఆయన అన్నారు. తన జీవిత భాగస్వామిగా భువనేశ్వరి ఉన్నందుకు తాను చాలా కృతజ్ఞుడినని తెలిపారు. వ్యాపారంలో, దాతృత్వ కార్యక్రమాలలో ఆమె చూపిన నాయకత్వం తమ అందరికీ స్ఫూర్తినిస్తోందని చంద్రబాబు నాయుడు ప్రశంసించారు.
Happy birthday, Bhuvaneshwari! Your love and strength are the foundation of our family. You have been by my side through every high and low, and I am truly grateful to have you as my partner in life. You are the light of our lives. Your grace, your care for people, and your… pic.twitter.com/votGk4tLjE
— N Chandrababu Naidu (@ncbn) June 20, 2025
లోకేష్, బ్రహ్మణి, దేవాన్ష్‌ల శుభాకాంక్షలు:
ఇదే సందర్భంగా, ఏపీ ఐటీ, విద్య శాఖల మంత్రి నారా లోకేష్ కూడా తన తల్లి నారా భువనేశ్వరికి పుట్టినరోజు శుభాకాంక్షలు తెలిపారు. ‘ఎక్స్’ వేదికగా లోకేష్, “అమ్మ ప్రేమ, దయ, మద్దతు నాకు పెద్ద బలం. నా మార్గదర్శి” అని పేర్కొన్నారు. ప్రజలకు సేవ చేయడం, వ్యాపారంలో తెలివితేటలు, న్యాయం కోసం పోరాడటంలో ఆమె అంకితభావం ఎంతో స్ఫూర్తిదాయకమని అన్నారు. తన జీవితాన్ని ప్రేమతో ప్రకాశవంతం చేసిన అమ్మ ఎప్పుడూ సంతోషంగా, ఆరోగ్యంగా ఉండాలని లోకేష్ ఆకాంక్షించారు. లోకేష్‌తో పాటు ఆయన సతీమణి నారా బ్రహ్మణి, కుమారుడు నారా దేవాన్ష్ కూడా భువనేశ్వరికి శుభాకాంక్షలు తెలియజేశారు.
Happy Birthday, Amma!
You’ve been my strength, my guide, and the heart of our family. Your unconditional love and quiet courage have shaped me in more ways than I can express.
I’m endlessly grateful for the values you’ve instilled in me and the warmth you bring into our lives… pic.twitter.com/NZKk129Im9
— Lokesh Nara (@naralokesh) June 20, 2025