India-China: భారత్-చైనా సరిహద్దుల్లోని డెప్సాంగ్, డెమ్‌చోక్‌ల నుంచి బలగాల ఉపసంహరణ ప్రక్రియ ముగిసింది. గురువారం, దీపావళి సందర్భంగా చైనా – భారతదేశ సైనికులు ఒకరికొకరు మిఠాయిలు తినిపించుకున్నారు. త్వరలో పెట్రోలింగ్‌కు సంబంధించి గ్రౌండ్ కమాండర్‌ అధికారుల మధ్య చర్చలు జరగనున్నాయి. గ్రౌండ్ కమాండర్లుగా బ్రిగేడియర్, అంతకంటే తక్కువ స్థాయి అధికారులు ఉంటారు.
ఇది కూడా చదవండి: Telangana: రైతుల కండ్ల‌ల్లో క‌న్నీటి సుడులు.. దీపావ‌ళికి వారిండ్ల‌లో చీక‌ట్లు!
LAC పై పెట్రోలింగ్‌కు సంబంధించి భారతదేశం – చైనాల మధ్య ఒప్పందంపై, విదేశాంగ మంత్రి S జైశంకర్ అక్టోబర్ 27 న సైన్యాన్ని ఉపసంహరించుకోవడం మొదటి దశ అని అన్నారు. ఒత్తిడిని తగ్గించుకోవడం తదుపరి దశ అని చెప్పారు. చైనా కూడా అదే కోరుకుంటోందని భారత్‌కు నమ్మకం కలిగినప్పుడే ఈ ఉద్రిక్తత తగ్గుతుందని ఆయన స్పష్టం చేశారు. ఉద్రిక్తత తగ్గిన తర్వాత సరిహద్దును ఎలా నిర్వహించాలనే దానిపై చర్చిస్తారు.