AP NEWS: ఆంధ్రప్రదేశ్‌లోని భీమవరం పట్టణంలో మద్యం మత్తులో ఓ యువతి చేసిన హంగామా చుట్టుపక్కలవారిని, ప్రయాణికులను తీవ్ర అసౌకర్యానికి గురి చేసింది. భీమవరం – పాలకొల్లు ప్రధాన రహదారిపై ఉన్న ఫ్లైఓవర్ బ్రిడ్జి సమీపంలో, ఆ యువతి మద్యం సేవించి రోడ్డుపై పడుకుంది. వస్తున్న వాహనాలకన్నీ అడ్డుపడుతూ, సుమారు 20 నిమిషాల పాటు ట్రాఫిక్ జామ్‌కు కారణమైంది.
పాసర్లు ఆమెను రోడ్డు మీద నుంచి తప్పించేందుకు ప్రయత్నించినా, ఆమె కదల్లేదు. ఎంత సమాధానంగా మాట్లాడినా వినలేదు. చివరికి పోలీసులు అక్కడికి చేరుకుని పరిస్థితిని అదుపులోకి తీసుకున్నారు. ఆమెను రోడ్డుపై నుంచి పక్కకు తరలించి ట్రాఫిక్‌ను క్లియర్ చేశారు.
ఈ ఘటనతో వాహనదారులు, ప్రయాణికులు తీవ్ర అసౌకర్యానికి గురయ్యారు. అయితే ఆ యువతి ఎవరు? ఎక్కడి నుంచి వచ్చారు? అనే వివరాలు మాత్రం ఇప్పటివరకు వెల్లడి కాలేదు.
ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. నెటిజన్లు దీనిపై తమదైన శైలిలో స్పందిస్తూ, వ్యంగ్య వ్యాఖ్యలతో పాటు ఆందోళన వ్యక్తం చేస్తున్నారు. మద్యం మోతాదుకు మించి తాగడం ఎంత ప్రమాదకరమో, ఈ ఘటన మరోసారి గుర్తు చేసింది.