Chandrababu: ఆంధ్రప్రదేశ్ రాష్ట్రానికి మరోసారి శుభవార్త అందింది. రాష్ట్రాన్ని పారిశ్రామిక రంగంలో అగ్రగామిగా తీర్చిదిద్దాలనే లక్ష్యంతో కూటమి ప్రభుత్వం వేగంగా ముందుకు సాగుతోంది. ఈ క్రమంలో ప్రపంచ దిగ్గజ సంస్థలు ఏపీలో అడుగుపెడుతున్నాయి.
ముఖ్యమంత్రి చంద్రబాబు నాయుడు వెల్లడించిన వివరాల ప్రకారం, గూగుల్ వచ్చే నెలలోనే విశాఖపట్నంలో తన కార్యకలాపాలను ప్రారంభించనుంది. అంతేకాదు, టీసీఎస్ (TCS) కూడా విశాఖలో కొత్త కేంద్రాన్ని ఏర్పాటు చేయనుందని సీఎం స్పష్టం చేశారు.
ఉత్తరాంధ్ర–రాయలసీమలో పరిశ్రమల జోరు
కూటమి ప్రభుత్వం అధికారంలోకి వచ్చిన తర్వాత ప్రాంతీయ సమతుల అభివృద్ధి జరుగుతోందని సీఎం పేర్కొన్నారు.
-
రాయలసీమలో కడప ఉక్కు కర్మాగారంతో పాటు కొప్పర్తి, ఓర్వకల్లు ప్రాంతాల్లో పరిశ్రమలు వేగంగా అభివృద్ధి చెందుతున్నాయి.
-
విశాఖ జిల్లాలో ఆర్సెలార్ మిత్తల్ ఉక్కు కర్మాగారం త్వరలోనే ప్రారంభం కానుంది.
రవాణా–లాజిస్టిక్స్ అభివృద్ధి
పరిశ్రమలకు అవసరమైన మౌలిక సదుపాయాల కోసం ప్రభుత్వం ప్రత్యేక దృష్టి సారిస్తోంది.
-
పోర్టులు, విమానాశ్రయాల మధ్య లాజిస్టిక్ కార్పొరేషన్ ద్వారా రోడ్డు నెట్వర్క్ బలోపేతం చేయనున్నారు.
-
ప్రతి 50 కిలోమీటర్లకు ఒక పోర్టు, నౌకల తయారీ కేంద్రం, హార్బర్ ఏర్పాటుకు ప్రణాళికలు సిద్ధం చేస్తున్నారు.
ఇది కూడా చదవండి: Kerala: మెద‌డును తినే అమీబా.. కేర‌ళ‌లో ఈ ఏడాదే 18 మంది మృతి
పెట్టుబడుల వెల్లువ
రాష్ట్రానికి పెట్టుబడుల పరంగా కూడా మంచి గణాంకాలు వెలువడ్డాయి.
-
ఇప్పటివరకు 14 రంగాల్లో రూ.10.6 లక్షల కోట్ల పెట్టుబడులకు ప్రభుత్వం అనుమతులు ఇచ్చింది.
-
మొత్తం 122 ప్రాజెక్టులకు గ్రీన్ సిగ్నల్ లభించింది.
-
పునరుత్పాదక విద్యుత్‌ అభివృద్ధి సంస్థ ద్వారా రూ.5.83 లక్షల కోట్ల పెట్టుబడులు, పరిశ్రమల శాఖ ద్వారా రూ.4.62 లక్షల కోట్ల పెట్టుబడులు రానున్నాయి.
సమీక్ష & పారదర్శకత
-
ప్రతి 15 రోజులకు పెట్టుబడుల పురోగతిని సమీక్షించాలని సీఎం ఆదేశించారు.
-
పరిశ్రమల సమస్యలు పరిష్కారానికి ప్రతి మంగళవారం “ఇండస్ట్రీ డే” నిర్వహించనున్నారు.
కొత్త విమానాశ్రయాలు – ఆర్థిక కేంద్రాలుగా
భోగాపురం వంటి కొత్త విమానాశ్రయాలు ప్రారంభం కావడంతో ఆయా ప్రాంతాలు త్వరలోనే ఆర్థిక కేంద్రాలుగా మారనున్నాయని సీఎం చంద్రబాబు విశ్వాసం వ్యక్తం చేశారు.