Amrita Rao: బాలీవుడ్‌లో మాసూమ్ ఇమేజ్‌తో ప్రేక్షకులను అలరించిన అమృతా రావు తన కెరీర్‌లో ఎదుర్కొన్న భయానక అనుభవాలను ఇటీవల ఓ పాడ్‌కాస్ట్‌లో పంచుకున్నారు. ‘వివాహ్’ సినిమా హిట్ అయిన తర్వాత ఆమెకు వచ్చిన వింత పెళ్లి ప్రతిపాదనలు, రక్తంతో రాసిన లేఖలు ఆమె మనసును కలవరపరిచాయని ఆమె చెప్పారు. ఈ ఘటనలు ఆమెను మానసికంగా ఒంటరిగా అనిపించేలా చేశాయని, పార్టీలు, అవార్డు షోలకు దూరమైపోయానని అమృతా తెలిపారు. అయితే, తన జీవితంలో ఎదురైన కష్టాల్లో తన భర్త ఆర్‌జే అన్మోల్ తనకు గొప్ప మద్దతుగా నిలిచారని గుర్తు చేసుకున్నారు.
అమృతా రావు బాలీవుడ్‌లో ‘మెయిన్ హూన్ నా’తో డెబ్యూ చేసి, షారుక్ ఖాన్‌తో కలిసి ప్రేక్షకులను ఆకట్టుకున్నారు. 2006లో విడుదలైన ‘వివాహ్’ సినిమాలో షాహిద్ కపూర్ పక్కన నటించి, సింపుల్, ఇన్నోసెంట్ రోల్‌తో హృదయాలు ఆకర్షించారు. ఈ సినిమా సూపర్ హిట్ అవ్వడంతో ఆమెకు ఎన్‌ఆర్‌ఐల నుంచి అనేక పెళ్లి ప్రతిపాదనలు వచ్చాయి. ఒకరు రక్తంతో రాసిన ప్రేమ లేఖను పంపారు. “అది చాలా భయంకరంగా అనిపించింది. ఒక వ్యక్తి నా ఇంటి ముందు టెలిఫోన్ బూత్ వద్ద నిలబడి ఉండేవాడు. అమ్మా లేదా నాన్న ఫోన్ తీసుకోవాల్సి వచ్చేది అని అమృతా వివరించారు. ఈ ఘటనలు ఆమెను భయపెట్టాయి. అంతేకాకుండా, కెరీర్‌లో హిట్ సినిమాలు చేసినా ఎక్కువగా రొమాంటిక్ రోల్స్ మాత్రమే వచ్చాయి. కిస్సింగ్ సీన్ ఉందంటే ఎందుకు ఇలాంటివి మాత్రమే వస్తున్నాయి అనిపించేది. ప్రజలు వివిధ మాటలు చెప్పి నిరుత్సాహపరిచేవారు అని ఆమె బాధ వ్యక్తం చేశారు. దీంతో ఆమె పార్టీలు, అవార్డు కార్యక్రమాలకు దూరమై, కేవలం సినిమా పని చేసి ఇంటికి తిరిగి వచ్చేలా జీవితం గడిపారు. నేను చాలా ఒంటరి స్థితిలో ఉన్నాను అని ఆమె అన్నారు.
Also Read: Nayanthara: నయనతార కొత్త అడుగులు: యాడ్స్, ప్రమోషన్లలో సంచలనం!
ఈ కష్టాల్లోనే 2009లో ఆమె భర్త అన్మోల్‌ను కలిశారు. అతని రేడియో షోకు ఇంటర్వ్యూకు వెళ్లినప్పుడు పరిచయం అయ్యారు. ఏడేళ్ల డేటింగ్ తర్వాత 2016 మే 15న ముంబైలో సీక్రెట్‌గా వివాహం చేసుకున్నారు. 2020 నవంబర్ 1న వారికి కుమారుడు వీర్ జన్మించాడు. అన్మోల్ మద్దతుతోనే ఆ క్లిష్ట సమయంలో తాను నిలబడగలిగానని ఆమె చెప్పుకొచ్చారు. తెలుగు సినిమాల్లో మహేష్ బాబు పక్కన ‘అతిథి’ (2007)లో నటించి ఫ్యాన్స్‌ను సంతోషపెట్టిన అమృతా, తన చివరి తెలుగు సినిమా ‘థాకరే’ (2019)లో కనిపించారు.