Kaleshwaram Project: కాళేశ్వరం ప్రాజెక్టుపై ఏర్పాటు చేసిన కమిషన్‌కు సంబంధించిన విచారణను తెలంగాణ హైకోర్టు జనవరి రెండో వారానికి వాయిదా వేసింది. ఈ కేసులో కౌంటర్ దాఖలు చేయడానికి ప్రభుత్వానికి నాలుగు వారాల సమయం ఇచ్చింది. ఆ తర్వాత, ప్రభుత్వం ఇచ్చిన కౌంటర్‌కు సమాధానం ఇచ్చేందుకు పిటిషనర్లకు మరో మూడు వారాల గడువును ఉన్నత న్యాయస్థానం ఇచ్చింది.
ఈ కేసు విచారణలో భాగంగా, మాజీ ముఖ్యమంత్రి కె.సి.ఆర్, మాజీ మంత్రి హరీశ్‌రావు, మాజీ ఐఏఎస్ అధికారులు స్మితా సబర్వాల్, ఎస్‌కే జోషి లకు కూడా కోర్టు మూడు వారాల గడువు ఇచ్చింది.
ముఖ్యంగా, కాళేశ్వరం కమిషన్ నివేదిక ఆధారంగా ప్రభుత్వం ఎలాంటి చర్యలు తీసుకోకూడదని గతంలో హైకోర్టు జారీ చేసిన మధ్యంతర ఉత్తర్వులను జనవరిలో జరిగే తదుపరి విచారణ వరకు పొడిగిస్తూ కోర్టు ఆదేశాలు జారీ చేసింది. దీని అర్థం, తదుపరి విచారణ పూర్తయ్యే వరకు కమిషన్ నివేదికపై తక్షణ చర్యలు ఉండే అవకాశం లేదు.