Naveen Polishetty: టాలీవుడ్ యువ కథానాయకుడు నవీన్ పొలిశెట్టి అభిమానులను అలరించేందుకు సిద్ధమవుతున్నారు. ఆయన నటిస్తున్న రొమాంటిక్ కామెడీ ఎంటర్‌టైనర్ ‘అనగనగా ఒక రాజు’ చిత్రం 2026 సంక్రాంతి సందర్భంగా జనవరి 14న ప్రపంచవ్యాప్తంగా విడుదల కానుంది. ఈ సినిమాలో నవీన్ సరసన మీనాక్షి చౌదరి కథానాయికగా నటిస్తున్నారు. ‘మిస్ శెట్టి మిస్టర్ పొలిశెట్టి’ వంటి విజయవంతమైన చిత్రం తర్వాత నవీన్ నటిస్తున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి.
నవీన్ పొలిశెట్టిలో కొత్త టాలెంట్!
ఇప్పటికే తన ప్రత్యేకమైన కామెడీ టైమింగ్, నటనతో ప్రేక్షకులను ఆకట్టుకున్న నవీన్ పొలిశెట్టి, ఈ చిత్రం ద్వారా గాయకుడిగా కూడా పరిచయం అవుతున్నారు. ‘అనగనగా ఒక రాజు’లో ఒక డాన్స్ నంబర్‌కు నవీన్ స్వయంగా గళం అందించారు. మిక్కీ జె మేయర్ సంగీతం అందిస్తున్న ఈ పాటను నవంబర్ మూడో వారంలో విడుదల చేయనున్నారు. నటుడిగానే కాకుండా, స్క్రిప్ట్ వర్క్‌లోనూ చురుగ్గా పాల్గొనే నవీన్, ఇప్పుడు సింగర్‌గా మారడం అభిమానుల్లో ఉత్సాహాన్ని నింపుతోంది.
Also Read: Anirudh: ‘మ్యాజిక్’ సినిమాకు అనిరుధ్ సంగీతం ఆలస్యం
సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ సంయుక్తంగా నిర్మిస్తున్న ఈ చిత్రానికి మొదట ‘మ్యాడ్’ ఫేమ్ కళ్యాణ్ శంకర్ దర్శకత్వం వహించినప్పటికీ, తర్వాత దర్శకత్వ బాధ్యతలు మారికి (Maari) అప్పగించబడ్డాయి. ఈ సినిమా రిలీజ్ తేదీని మేకర్స్ ధృవీకరించారు.
ఐతే, 2026 సంక్రాంతి సీజన్‌లో ఈ చిత్రం పెద్ద సినిమాలతో పోటీ పడనుంది. మెగాస్టార్ చిరంజీవి, యంగ్ రెబెల్ స్టార్ ప్రభాస్, మాస్ మహారాజా రవితేజ వంటి అగ్ర హీరోల చిత్రాలు కూడా ఇదే సమయంలో విడుదల కానున్నాయి. ఇప్పటికే విడుదలైన కొన్ని ప్రమోషనల్ వీడియోలు, నవీన్ ప్రమోషన్ స్టైల్ సినిమాపై ఆసక్తిని పెంచాయి. ఈ సందర్భంగా, నవీన్ కొత్త అవతారంలో ప్రేక్షకులను ఎలా అలరిస్తారో, ఈ రొమాంటిక్ కామెడీ ఎంత పెద్ద విజయాన్ని అందుకుంటుందో వేచి చూడాలి.