RGV: సినిమా ప్రపంచంలో ఎప్పుడూ వార్తల్లో ఉండే రామ్ గోపాల్ వర్మ ఇప్పుడు మరో కొత్త ప్రాజెక్ట్‌తో అభిమానులను ఆశ్చర్యపరిచారు. బాలీవుడ్ నటుడు రితేష్ దేశ్ముఖ్తో కలిసి ఆయన ఒక భారీ చారిత్రక చిత్రానికి సిద్ధమవుతున్నారని సమాచారం. ఈ చిత్రం ఛత్రపతి శివాజీ మహారాజ్ జీవితం ఆధారంగా తెరకెక్కనుంది. RGV చేసిన ఒక సోషల్ మీడియా పోస్ట్ ఈ వార్తలకు మరింత బలాన్నిచ్చింది.
రామ్ గోపాల్ వర్మ ఇటీవల తన సోషల్ మీడియాలో రితేష్ దేశ్ముఖ్తో కలిసి ఉన్న ఒక ఫోటోను షేర్ చేశారు. “నేను రాజా శివాజీతో ఉన్నాను.. ఇది భారత్‌లో ఇప్పటివరకు రాని అత్యుత్తమ చారిత్రక చిత్రం అవుతుంది” అని క్యాప్షన్‌గా రాశారు. ఈ పోస్ట్ క్షణాల్లో వైరల్ అయింది. దీనితో పాటు, వర్మ ఈ సినిమాలో భాగమవుతారా, లేదా రితేష్‌తో ఇది కేవలం సాధారణ భేటీ మాత్రమేనా అనే దానిపై అభిమానుల్లో ఆసక్తి పెరిగింది. ఈ ప్రాజెక్ట్ గురించిన పూర్తి వివరాలు ఇంకా అధికారికంగా వెల్లడి కాలేదు.
Also Read: Ranbir Kapoor: ఆర్యన్ సిరీస్‌లో రణబీర్‌పై వివాదం!
మహారాష్ట్రకు గర్వకారణమైన ఛత్రపతి శివాజీ జీవితం ఆధారంగా ఈ చిత్రం తెరకెక్కుతోంది. రితేష్ దేశ్‌ముఖ్ ఇందులో కేవలం ప్రధాన పాత్రలో నటించడమే కాకుండా, దర్శకత్వం, నిర్మాణ బాధ్యతలు కూడా చూసుకుంటున్నారు. రితేష్ దేశ్‌ముఖ్ ఇప్పటికే హిందీ, మరాఠీ సినిమాల్లో, టెలివిజన్ హోస్ట్‌గా కూడా తనదైన ముద్ర వేశారు. ఈ బయోపిక్‌తో ఆయన భారతీయ సినిమా చరిత్రలో ఒక మైలురాయిని సృష్టించగలరని అంచనా వేస్తున్నారు.
సాధారణంగానే వర్మ సినిమాలు హాట్ టాపిక్‌గా ఉంటాయి. ఆయన దర్శకత్వం వహిస్తారా, లేదా కేవలం సలహాదారుగా ఉంటారా అనేది ఇంకా తెలియదు. అయితే, వర్మ తన ట్వీట్‌లో “భారత్‌లో ఇప్పటివరకు రాని అత్యుత్తమ చారిత్రక చిత్రం” అని పేర్కొనడం ఈ ప్రాజెక్టుపై అంచనాలను భారీగా పెంచింది. రితేష్ దేశ్‌ముఖ్ కూడా ఈ సినిమా కోసం చాలా కష్టపడుతున్నారని తెలుస్తోంది. దీంతో ఈ సినిమా ప్రేక్షకుల ముందుకు వచ్చిన తర్వాత ఎలాంటి రికార్డులు సృష్టిస్తుందో చూడాలి. ఇది నిజంగా భారతీయ సినిమాకు ఒక అద్భుతమైన ప్రయోగాత్మక చిత్రంగా నిలవనుంది.
Me with the RAJA SHIVAJI ..Can’t wait to see @Riteishd ‘s next directorial ..Whatever I heard of it , it will be the best Historical film in India 🙏🙏🙏 pic.twitter.com/HMr1jD6Ap2
— Ram Gopal Varma (@RGVzoomin) September 23, 2025