CJI DY Chandrachud: CJI చంద్రచూడ్ నవంబర్ 10, 2024న పదవీ విరమణ చేయనున్నారు. అయితే అంతకు ముందు నవంబర్ 8 సుప్రీంకోర్టులో ఆయనకు లాస్ట్ వర్కింగ్ డే. CJI చంద్రచూడ్ వీడ్కోలు కోసం ఉత్సవ ధర్మాసనం ఆధ్వర్యంలో వీడ్కోలు కార్యక్రమాన్ని నిర్వహించారు.
ఈ కార్యక్రమంలో సీజేఐ సుప్రీంకోర్టు బార్‌ అసోసియేషన్‌కు హృదయపూర్వకంగా కృతజ్ఞతలు తెలియచేశారు. CJI చివరి రోజున 45 కేసులను విచారించారు, జస్టిస్ DY చంద్రచూడ్ చివరి వర్కింగ్ డే సందర్భంగా ఉత్సవ ధర్మాసనం కార్యకలాపాలను ప్రత్యక్ష ప్రసారం చేసారు. జస్టిస్ మనోజ్ మిశ్రాతో పాటు జస్టిస్ జేబీ పార్దివాలా, సీనియర్ న్యాయవాదులు, నవంబర్ 10 నుంచి సీజేఐగా బాధ్యతలు స్వీకరించనున్న జస్టిస్ సంజీవ్ ఖన్నా కూడా ఈ బెంచ్‌లో చేరారు. దేశానికి 51వ సీజేఐగా జస్టిస్ ఖన్నా బాధ్యతలు చేపట్టనున్నారు.
ఇది కూడా చదవండి: Narendra Modi: నేడు మహారాష్ట్రలో ప్రధాని మోదీ పర్యటన
జస్టిస్ చంద్రచూడ్ మే 13, 2016న అలహాబాద్ హైకోర్టు ప్రధాన న్యాయమూర్తి నుండి సిట్టింగ్ జడ్జిగా సుప్రీంకోర్టుకు పదోన్నతి పొందారు. ఆయన పదవీ కాలంలో, CJI చంద్రచూడ్ 1274 బెంచ్‌లలో భాగంగా ఉన్నారు. ఆయన మొత్తం 612 తీర్పులు రాశారు.
ప్రస్తుత సుప్రీంకోర్టు న్యాయమూర్తులలో సీజేఐ చంద్రచూడ్ గరిష్ట సంఖ్యలో తీర్పులు రాశారు. చివరి రోజు కూడా 45 కేసులను విచారించారు. CJI చంద్రచూడ్ 2-సంవత్సరాల పదవీకాలం ప్రధాన నిర్ణయాలలో ఆర్టికల్ 370, రామజన్మభూమి ఆలయం, వన్ ర్యాంక్-వన్ పెన్షన్, మదర్సా కేసు, శబరిమల ఆలయ వివాదం, ఎన్నికల బాండ్ల చెల్లుబాటు, CAA-NRC వంటి కీలక అంశాలపై నిర్ణయాలు ఉన్నాయి.