Pakistan: పాకిస్తాన్ భారత్‌పై గగనతల నిషేధాన్ని మరోసారి పొడిగించింది. ఈ నిషేధం ఆగస్టు 24వ తేదీ ఉదయం 5:19 గంటల వరకు అమల్లో ఉండనుంది. పాకిస్తాన్ విమానాశ్రయ అథారిటీ (PAA) ప్రకారం, ఈ నిర్ణయం జూలై 19 మధ్యాహ్నం 3:50 గంటల నుంచి అమల్లోకి వచ్చింది.
ఎవరికీ నిషేధం వర్తిస్తుంది?
భారతీయ విమానయాన సంస్థల వాణిజ్య విమానాలకు. భారత యాజమాన్యంలోని లేదా లీజుకు తీసుకున్న సైనిక, పౌర విమానాలకు కూడా ఈ నిషేధం వర్తిస్తుంది.
ఈ నిషేధానికి కారణం ఏమిటి?
ఏప్రిల్ 22న పహల్గామ్ ఉగ్రదాడిలో 26 మంది ప్రాణాలు కోల్పోవడం. ఈ ఘటన తర్వాత భారత్ పాకిస్తాన్‌పై కఠిన చర్యలు తీసుకుంది. సింధు జలాల సరఫరా నిలిపివేసింది. అటారీ సరిహద్దు మూసివేసింది. మే 7న “ఆపరేషన్ సిందూర్”లో 100 మంది ఉగ్రవాదులను హతమార్చింది, పాకిస్తాన్ స్థావరాలను ధ్వంసం చేసింది.
ఇది కూడా చదవండి: Viral Video: వరద నీటిలో లైవ్‌లో మాట్లాడుతున్న జర్నలిస్ట్.. చూస్తుండగానే..
ఈ పరిణామాల తర్వాత ఇరు దేశాల మధ్య ఉద్రిక్తతలు పెరిగాయి. ఇరు దేశాలు గగనతల నిషేధాన్ని ఒకదానిపై మరొకటి అమలు చేస్తూ, పలు సార్లు పొడిగించాయి.
ప్రస్తుత పరిస్థితి
భారతదేశం కూడా పాకిస్తాన్ విమానాలకు గగనతలం మూసివేసింది. రెండు దేశాల మధ్య గగనతల వినియోగంపై అనిశ్చితి కొనసాగుతుంది.