Madhya Pradesh: మధ్యప్రదేశ్‌లో బావిని శుభ్రం చేస్తున్న ఎనిమిది మంది విష వాయువుకు గురై విషాదకరంగా మరణించారు. ఖాండ్వా జిల్లాలోని చైకాన్ మహాన్ ప్రాంతంలోని గ్రామస్తులు కాంగోర్ పండుగను జరుపుకోవడానికి సిద్ధమవుతున్నారు. దీనిలో భాగంగా, స్వామి విగ్రహాలను నీటిలో నిమజ్జనం చేయడానికి గ్రామస్తులు అక్కడ 150 సంవత్సరాల పురాతనమైన బావిని శుభ్రం చేయడంలో పాల్గొన్నారు.
బావిలోకి మొదట ప్రవేశించిన వ్యక్తి విష వాయువు కారణంగా స్పృహ కోల్పోయాడు. అతన్ని రక్షించే ప్రయత్నంలో ఏడుగురు వ్యక్తులు ఒకరి తర్వాత ఒకరు బావిలోకి వెళ్లారు. అయితే, విషపూరిత వాయువు తగిలి బావిలోనే 8 మంది మరణించారు.
Also Read: Uttar Pradesh: ఉత్తరప్రదేశ్‌లో సంచలనంగా మారిన నేవీ అధికారి హత్య
Madhya Pradesh: మృతులను రాకేష్ పటేల్ (23), అనిల్ పటేల్ (25), అజయ్ పటేల్ (24), శరణ్ పటేల్ (35), వాసుదేవ్ పటేల్ (40), కజానన్ పటేల్ (35), అర్జున్ పటేల్ (35), మోహన్ పటేల్ (53)గా గుర్తించారు. ఈ విషాద ఘటనపై తీవ్ర విచారాన్ని వ్యక్తం చేసిన ముఖ్యమంత్రి మోహన్ యాదవ్ మృతుల కుటుంబాలకు ఒక్కొక్కరికి 4 లక్షలు పరిహారం ప్రకటించారు.