Vinayaka Chaturthi 2026: వినాయక చవితి పూజా ముహూర్తం, భద్ర ప్రభావం వాస్తవాలేంటి?

అరుదైన శుభయోగాలు – పూజా సమయం..

• భద్ర ప్రభావం: సోమవారం మధ్యాహ్నం 03:50 గంటలకు ప్రారంభమయ్యే భద్ర ప్రభావం, మంగళవారం తెల్లవారుజామున 04:14 గంటల వరకు ఉంటుంది. అయితే మధ్యాహ్న సమయానికి శుభ ఘడియలు ఉండటంతో భక్తులు ఎలాంటి సంకోచం లేకుండా నిర్దేశిత వేళల్లో పూజ చేసుకోవచ్చు.
• శ్రేష్టమైన పూజా ముహూర్తం: శాస్త్ర ప్రకారం వినాయకుడిని మధ్యాహ్న సమయాన పూజించడం అత్యుత్తమం. సెప్టెంబర్ 14న మధ్యాహ్నం 12:30 గంటల నుంచి మధ్యాహ్నం 03:02 గంటల వరకు విగ్రహ ప్రతిష్టాపనకు, పూజకు అత్యంత శుభప్రదమైన సమయం (సుమారు 2 గంటల 32 నిమిషాల వ్యవధి).

పూజా విధానం – క్రమం..

1. ఇంటి శుద్ధి & అలంకరణ: సూర్యోదయానికి ముందే ఇల్లు శుభ్రం చేసి, ముంగిట్లో రంగవల్లులు తీర్చిదిద్దాలి. ప్రధాన ద్వారానికి మామిడి తోరణాలు, పూలమాలలు కట్టాలి.
2. పీఠం ఏర్పాటు: ఇంటి ఈశాన్యం లేదా ఉత్తర భాగంలో పసుపు రాసిన పీటను ఉంచాలి. పీటపై గంగాజలం చిలకరించి, ఎరుపు లేదా పసుపు వస్త్రం పరచాలి. పళ్లెంలో బియ్యం పోసి, మధ్యలో తామరాకు లేదా తమలపాకు ఉంచి దానిపై వినాయకుడి మట్టి విగ్రహాన్ని ప్రతిష్టించాలి.
3. కలశ స్థాపన & పూజ: కుడివైపు నీటి కలశాన్ని ఏర్పాటు చేసుకోవాలి. విఘ్నేశ్వరుడి షోడశ నామాలు (16 నామాలు), అష్టోత్తర శతనామాలతో (108 నామాలు) పత్రి, పుష్పాలు, అక్షతలతో అర్చన చేయాలి.
4. నైవేద్యం & మంత్రం: స్వామికి ఇష్టమైన మోదకాలు, ఉండ్రాళ్ళు, పండ్లు సమర్పించి ‘ఓం గం గణపతయే నమః’ అనే మంత్రంతో ధూపదీప నైవేద్యాలు, హారతి ఇవ్వాలి.

చంద్రదర్శనం ఎందుకు చేయకూడదు? – నిషేధ సమయాలు..

• చంద్రదర్శన నిషేధ సమయం: సెప్టెంబర్ 14న ఉదయం 11:32 గంటల నుంచి రాత్రి 08:50 గంటల వరకు చంద్రుడిని చూడకూడదు.

గణపతి నిమజ్జనం ఎప్పుడు?