Samantha: ప్రస్తుత కాలంలో సినిమా ఇండస్ట్రీలో కేవలం కంటెంట్ బాగుంటేనే సరిపోదు.. దాన్ని జనాల్లోకి ఎంత బలంగా తీసుకెళ్లామనే ‘ప్రమోషన్ల వ్యూహం’ కూడా అంతే ముఖ్యం. ముఖ్యంగా ఓటీటీ (OTT)లు వచ్చిన తర్వాత, ప్రేక్షకులను థియేటర్ల వైపు నడిపించడం మేకర్స్కు పెద్ద సవాల్గా మారింది. అందుకే టీజర్, ట్రైలర్లతో పాటు వినూత్న ప్రమోషన్లతో ఆడియన్స్లో హైప్ క్రియేట్ చేసేందుకు మూవీ టీమ్ తీవ్రంగా శ్రమిస్తోంది.
ఒకే రోజు 40 ఇంటర్వ్యూలు.. సామ్ సంచలనం!
సమంత ప్రధాన పాత్రలో నటించిన లేటెస్ట్ క్రేజీ ప్రాజెక్ట్ ‘మా ఇంటి బంగారం’. టాలెంటెడ్ డైరెక్టర్ నందిని రెడ్డి (Nandini Reddy) దర్శకత్వంలో తెరకెక్కిన ఈ చిత్రం జూన్ 19వ తేదీన థియేటర్లలో ప్రపంచవ్యాప్తంగా విడుదల కానుంది.
రిలీజ్ డేట్ దగ్గరపడుతుండటంతో సినిమాపై అంచనాలు పెంచేందుకు సమంత ప్రమోషన్స్ బాధ్యతను పూర్తిగా భుజాన వేసుకున్నారు. ఈ క్రమంలోనే నిన్న ఒక్కరోజే సమంత ఏకంగా 40 వీడియో ఇంటర్వ్యూలు ఇచ్చి అందరినీ ఆశ్చర్యపరిచారు.
ఈ టాక్-షోలు, ఇంటర్వ్యూలు అన్నీ ఇవాళ, రేపట్లో డిజిటల్ ప్లాట్ఫామ్స్ ఇంకా యూట్యూబ్లో (YouTube) వరుసగా స్ట్రీమింగ్ కానున్నాయి. ఒకే రోజున ఒక స్టార్ హీరోయిన్ ఈ స్థాయిలో 40 ఇంటర్వ్యూలలో పాల్గొనడం అనేది మునుపెన్నడూ జరగలేదని, ఇది ఓ ఆల్టైమ్ రికార్డ్ అని ట్రేడ్ విశ్లేషకులు చెబుతున్నారు.
ఒకప్పుడు హీరో, హీరోయిన్లు సినిమా షూటింగ్ ముగియగానే తమ పని అయిపోయిందని భావించేవారు. కానీ ఇప్పుడు ప్రమోషన్ల కోసం ప్రత్యేకంగా సమయం కేటాయించడం సాధారణమైంది. ఈ నేపథ్యంలో, తన సినిమాను ప్రమోట్ చేయడానికి సమంత చూపించిన ఈ స్థాయి శ్రమ, సినిమా పట్ల ఆమెకున్న నిబద్ధతకు నిదర్శనమని సినీ విశ్లేషకులు కొనియాడుతున్నారు. సమంత క్రియేట్ చేసిన ఈ పాజిటివ్ బజ్ ‘మా ఇంటి బంగారం’ చిత్ర ఓపెనింగ్స్ కలెక్షన్లపై కచ్చితంగా భారీ ఇంపాక్ట్ చూపిస్తుందని అంచనా వేస్తున్నారు.