Anagani Satya Prasad: వైఎస్సార్ కాంగ్రెస్ పార్టీ, ఆ పార్టీ అధినేత వైఎస్ జగన్మోహన్రెడ్డి లక్ష్యంగా ఆంధ్రప్రదేశ్ మంత్రి అనగాని సత్యప్రసాద్ నిప్పులు చెరిగారు. వైసీపీ అంటే పూర్తిగా అబద్ధాలు, కుట్రలతో నడిచే పార్టీ అని, శవ రాజకీయాలు చేయడం వారికి అలవాటుగా మారిపోయిందని తీవ్రస్థాయిలో మండిపడ్డారు. గురువులు, మహిళలు అంటే ఆ పార్టీకి కనీస గౌరవం లేదని ధ్వజమెత్తారు. అధికారాన్ని కాపాడుకోవడం కోసం, ప్రజల దృష్టిని మళ్లించడం కోసం డైవర్షన్ పాలిటిక్స్ చేయడంలో వైసీపీని మించిన వారు లేరని విమర్శించారు. మీడియాతో మాట్లాడిన మంత్రి అనగాని సత్యప్రసాద్.. వైఎస్ వివేకానందరెడ్డి హత్య కేసు, సీబీఐ విచారణ తీరుపై జగన్ ద్వంద్వ వైఖరిని ఎండగడుతూ పలు కీలక వ్యాఖ్యలు చేశారు.
వైసీపీ పేరును ‘గొడ్డలి డైవర్షన్ పార్టీ’గా మార్చాలి”..
రాష్ట్రంలో కూటమి ప్రభుత్వం ప్రజా సంక్షేమం, అభివృద్ధి లక్ష్యంగా ముందుకు సాగుతుంటే.. ప్రజలను తప్పుదోవ పట్టించేందుకు వైసీపీ కుట్రలు పన్నుతోందని, ఇప్పటికైనా దిగజారుడు డైవర్షన్ రాజకీయాలు మానుకోవాలని జగన్కు మంత్రి అనగాని సత్యప్రసాద్ హితవు పలికారు.