AP News: మెగా డీఎస్సీపై గొడ్డలి పార్టీ ఫేక్ వేషాలు.. శాప్ అధికారులపైనే విషం చిమ్ముతారా?

విజయవాడలోని శాప్ కార్యాలయం వద్ద నిరసనల పేరిట అలజడి సృష్టించేందుకు వైకాపా నేతలు శ్రీకాకుళం వంటి సుదూర ప్రాంతాల నుంచి అమాయక ప్రజలను తీసుకొచ్చారని విమర్శించారు. కనీసం మెగా డీఎస్సీ అంటే ఏమిటో, అక్కడ ఏం అన్యాయం జరిగిందో కూడా తెలియని వారి చేత నినాదాలు చేయిస్తూ రాజకీయ లబ్ధి పొందాలని చూస్తున్నారని ఆరోపించారు.

16 వేల మంది నిరుద్యోగుల జీవితాలతో చెలగాటం..

గత ఐదేళ్ల వైఎస్సార్‌సీపీ పాలనలో డీఎస్సీ నోటిఫికేషన్ ఇవ్వకుండా నిరుద్యోగులను మోసం చేశారని, ఇప్పుడు ఎన్డీఏ ప్రభుత్వం 16 వేలకు పైగా ఉపాధ్యాయ పోస్టులను పూర్తి పారదర్శకంగా భర్తీ చేస్తుంటే ఓర్వలేక విషం చిమ్ముతున్నారని ఆగ్రహం వ్యక్తం చేశారు.