NTR Surgery: జూనియర్ ఎన్టీఆర్ (Jr NTR)కి నేడు శస్త్రచికిత్స జరగనుంది. గత కొన్ని రోజులుగా భుజం గాయంతో బాధపడుతున్న ఆయనకు, వైద్యుల సూచన మేరకు హైదరాబాద్లోని ప్రముఖ కిమ్స్ (KIMS) ఆసుపత్రిలో శస్త్రచికిత్స నిర్వహిస్తున్నట్లు ఎన్టీఆర్ కార్యాలయం అధికారిక ప్రకటన ద్వారా వెల్లడించింది.
జూలై 27న భుజానికి గాయం – డాక్టర్ల హెచ్చరిక!
జులై 27వ తేదీ సాయంత్రం జూనియర్ ఎన్టీఆర్ భుజానికి తీవ్ర గాయమైన విషయం తెలిసిందే. గాయం తీవ్రత దృష్ట్యా, కోలుకోవడానికి కనీసం 6 నుండి 8 వారాల పాటు పూర్తి విశ్రాంతి తీసుకోవాలని వైద్యులు మొదట్లోనే సూచించారు.
అయితే, ఫిజియోథెరపీ తర్వాత కూడా గాయం తగ్గకపోవడంతో శస్త్రచికిత్స తప్పనిసరని వైద్యులు నిర్ధారించారు. నేడు సర్జరీ పూర్తయిన తర్వాత డాక్టర్ల సమక్షంలో కొన్ని రోజులు పరిశీలనలో ఉండి, ఆపై ఇంటి వద్దే ఎన్టీఆర్ బెడ్ రెస్ట్ తీసుకోనున్నారు.
ప్రశాంత్ నీల్తో ‘డ్రాగన్’ ప్రాజెక్ట్ – ఫ్యాన్స్ వెయిటింగ్!
ప్రస్తుతం జూనియర్ ఎన్టీఆర్, సంచలన దర్శకుడు ప్రశాంత్ నీల్ (Prashanth Neel) కాంబినేషన్లో ఒక భారీ పాన్-ఇండియా యాక్షన్ ప్రాజెక్ట్ ‘డ్రాగన్’ లో నటిస్తున్నారు. ఇప్పటికే రిలీజ్ అయిన టీజర్ కి మంచి రెస్పాన్స్ వచ్చింది.
KGF, సలార్ వంటి ఇండస్ట్రీ హిట్ సినిమాలు అందించిన ప్రశాంత్ నీల్, ఎన్టీఆర్ను ఎలా చూపించబోతున్నారనే దానిపై సినీ ప్రియుల్లో భారీ అంచనాలు ఉన్నాయి. ప్రస్తుతం ఎన్టీఆర్ సర్జరీ, కోలుకునే సమయం ముగిసిన వెంటనే ఈ సినిమా తదుపరి షెడ్యూల్ షూటింగ్ స్టార్ట్ చేయనున్నారు. తారక్ త్వరగా కోలుకుని మళ్లీ షూటింగ్లో పాల్గొనాలని అభిమానులు ఆకాంక్షిస్తున్నారు.