Cristiano Ronaldo: ప్రపంచ ఫుట్బాల్ సంచలనం, పోర్చుగల్ స్టార్ ప్లేయర్ క్రిస్టియానో రొనాల్డో (Cristiano Ronaldo) ఎట్టకేలకు ఓ ఇంటివాడయ్యాడు. దాదాపు పదేళ్లుగా తనతో డేటింగ్లో ఉన్న ప్రియురాలు, అర్జెంటీనా-స్పానిష్ మోడల్ జార్జినా రోడ్రిగ్స్ (Georgina Rodríguez) (32) ను ఆయన పెళ్లాడాడు.
ఏడాది క్రితం (ఆగస్టు 2025లో) నిశ్చితార్థం చేసుకున్న ఈ జంట, సరిగ్గా ఏడాది తిరిగేసరికి ఆగస్టు 11, 2026 న పోర్చుగల్లోని కాస్కైస్ (Cascais) తీరప్రాంతంలో అత్యంత వివాహ వేడుకను జరుపుకున్నారు.
“C ❤️ G”: ఆ ఒక్క పోస్ట్తో వరల్డ్ వైడ్ ట్రెండింగ్!
ఎలాంటి హంగామా లేకుండా, కేవలం తమ ఐదుగురు పిల్లలు ఇంకా కుటుంబ సభ్యుల మధ్య ఈ వేడుకను నిర్వహించారు. వివాహం ముగిసిన వెంటనే రొనాల్డో తన సోషల్ మీడియా ఖాతాలో భార్య చేతిలో తన చెయ్యి వేసి, వెడ్డింగ్ రింగ్స్ కనిపిస్తున్న పిక్ను షేర్ చేశారు..
-
క్యాప్షన్ వైరల్: తన పేరులోని ‘C’, జార్జినా పేరులోని ‘G’ అక్షరాల మధ్య లవ్ సింబల్ ఉంచుతూ “C ❤️ G” అని క్యాప్షన్ ఇచ్చి కొత్త జీవితంలోకి అడుగుపెడుతున్నట్లు ప్రకటించాడు.
-
రికార్డు లైకులు: ఈ పోస్ట్ పెట్టిన కేవలం ఏడు గంటల్లోనే ఏకంగా 1.7 కోట్లకు (17.1 Million) పైగా లైకులు సాధించి ఇంటర్నెట్ను షేక్ చేసింది.
గుచ్చి షోరూమ్ నుంచి నెట్ఫ్లిక్స్ సిరీస్ వరకు – అద్భుత ప్రేమ ప్రయాణం!
వీరిద్దరి పరిచయం ఒక హాలీవుడ్ సినిమాను తలపిస్తుంది.
-
మొదటి కలయిక (2016): మాడ్రిడ్లోని ‘గుచ్చి’ (Gucci) లగ్జరీ స్టోర్లో జార్జినా ఉద్యోగిగా పనిచేస్తున్న సమయంలో రొనాల్డో ఆమెను మొదటిసారి కలిశారు.
-
ప్రేమలో పడిపోయా: “ఆమెను చూసిన మొదట్లో మా అనుబంధం ఈ స్థాయిలో బలపడుతుందని అనుకోలేదు. కానీ రోజులు గడిచేకొద్దీ ఆమె ప్రేమలో పూర్తిగా పడిపోయాను” అని రొనాల్డో నెట్ఫ్లిక్స్లోని ‘ఐ యామ్ జార్జినా’ డాక్యుమెంటరీలో వెల్లడించారు.
రియల్ మాడ్రిడ్, మాంచెస్టర్ యునైటెడ్, యువెంటస్ నుంచి ప్రస్తుతం సౌదీ క్లబ్ అల్-నాజర్ వరకు ఎన్నో మైలురాళ్లను దాటిన 41 ఏళ్ల రొనాల్డో జీవితంలో, పక్కన కొండంత అండగా నిలిచిన జార్జినాను భార్యగా తన జీవితంలోకి ఆహ్వానించడం పట్ల ప్రపంచవ్యాప్తంగా ఉన్న అభిమానులు వెల్లువలా శుభాకాంక్షలు తెలుపుతున్నారు.