Jana Nayagan: దళపతి విజయ్ పొలిటికల్ ఎంట్రీ ఇచ్చిన సీఎం అయిన విషయం అందరికి తెలిసిందే. అలాగే ఆయన లాస్ట్ సినిమా జననాయగన్’ చుట్టూ కోలీవుడ్లో గత కొన్ని నెలలుగా భారీ చర్చ నడుస్తోంది. ముఖ్యంగా ఈ సినిమా విడుదలకు ముందే విజయ్ ముఖ్యమంత్రి అవుతారనే వార్తలు ప్రచారంలోకి రావడంతో.. సినిమాపై అంచనాలు ఆకాశాన్ని తాకాయి. ఈ పొలిటికల్ వేవ్ సృష్టించిన హైప్ చూసి, విజయ్ సీఎంగా బాధ్యతలు చేపట్టే సమయానికి, అంటే మే నెలలోనే ఈ సినిమా థియేటర్లలోకి వస్తుందని ఇండస్ట్రీ వర్గాలు సైతం గట్టిగా నమ్మాయి.
విజయ్ రాజకీయ కెరీర్లో పీక్ మూమెంటంలో ఉన్న ఈ సమయాన్ని క్యాష్ చేసుకుని, ‘జననాయగన్’ బాక్స్ ఆఫీస్ వద్ద సరికొత్త చరిత్ర సృష్టిస్తుందని, రికార్డు స్థాయి ఓపెనింగ్స్ సాధిస్తుందని అభిమానులు ఎంతో ఆశగా ఎదురుచూశారు. కానీ, ప్రస్తుతం ఈ సినిమా విడుదల చుట్టూ సరికొత్త చిక్కులు వచ్చి పడ్డాయి.
సెన్సార్ బోర్డు వద్ద ఆగిపోయిన ఫైల్?
ఒకప్పుడు పక్కా టైమింగ్తో కూడిన ఒక పొలిటికల్ అండ్ సినిమాటిక్ ఈవెంట్లా కనిపించిన ఈ ప్రాజెక్ట్.. ఇప్పుడు అనిశ్చితిలో పడింది. తాజా సమాచారం ప్రకారం, ఈ సినిమా ఇంకా సెన్సార్ సర్టిఫికేషన్ (Censor Certification) పూర్తి చేసుకోలేదు. సెన్సార్ ప్రక్రియ ఆలస్యం కావడం వల్లే మే నెలలో విడుదల చేయాలనుకున్న ప్లాన్స్ అన్నీ మారిపోయినట్లు తెలుస్తోంది.
దీనికి తోడు, సినిమా విడుదల తేదీపై మేకర్స్ నుండి ఇప్పటివరకు ఎలాంటి అధికారిక ప్రకటన రాకపోవడంతో ప్రేక్షకుల్లో గందరగోళం మొదలైంది. ఈ సైలెన్స్ కాస్తా సినిమాపై ఉన్న పాజిటివ్ బజ్ను దెబ్బతీస్తోంది.
తమిళనాడులో చల్లబడిన ‘రాజకీయ వేడి’
సినిమా ఆలస్యం కావడానికి మరో ప్రధాన కారణం.. తమిళనాడులో మారుతున్న రాజకీయ వాతావరణం. గత కొన్ని వారాలుగా విజయ్ పొలిటికల్ ఎంట్రీ చుట్టూ జరిగినంత తీవ్రమైన చర్చ ఇప్పుడు క్రమంగా తగ్గుముఖం పట్టింది.
రాజకీయ సమీకరణాలు నెమ్మదించడంతో, ‘జననాయగన్’ సినిమాకు ప్రారంభంలో వచ్చిన అసాధారణమైన అటెన్షన్ ఇంకా క్రేజ్ ఇప్పుడు కాస్త మందగించినట్లు స్పష్టంగా కనిపిస్తోంది.
బర్త్డే వీక్ టార్గెట్.. కానీ హైప్ మెయింటైన్ అవుతుందా?
లేటెస్ట్ అప్డేట్స్ ప్రకారం.. చిత్ర యూనిట్ ఇప్పుడు జూన్ మూడవ వారంలో వచ్చే విజయ్ బర్త్డే వీక్ను (Vijay’s Birthday Week) టార్గెట్ చేస్తూ సినిమాను రిలీజ్ చేయాలని ప్లాన్ చేస్తోంది.
ఆ డేట్ అభిమానులకు ఎమోషనల్ పరంగా పెద్ద పండుగ లాంటిదే అయినప్పటికీ.. అప్పటివరకు ఈ హైప్ను కాపాడుకోవడం చిత్ర బృందానికి పెద్ద సవాలుగా మారింది. జూన్ నాటికి ఈ సినిమా మొదటి రోజుల్లో ప్రామిస్ చేసిన విధంగా అదే స్థాయి ఇంపాక్ట్ను బాక్స్ ఆఫీస్ వద్ద చూపించగలదా లేదా అనేది ఇప్పుడు కోలీవుడ్లో హాట్ టాపిక్గా మారింది.