Gachibowli: హైదరాబాద్లోని ప్రముఖ ఐటీ కారిడార్ గచ్చిబౌలిలో పట్టపగలు అత్యంత వికృతమైన, కలకలం రేపే ఘటన చోటుచేసుకుంది. ఆఫీసుకు వెళ్లేందుకు రోడ్డుపై క్యాబ్ ఎక్కుతున్న ఓ యువ మహిళా సాఫ్ట్వేర్ ఇంజనీర్ను పక్కకు లాగి ఓ సెక్యూరిటీ గార్డు బలవంతంగా ముద్దుపెట్టుకున్నాడు. నడిరోడ్డుపై అందరూ చూస్తుండగానే జరిగిన ఈ దారుణ చర్యతో సదరు టెక్కీ తీవ్ర దిగ్భ్రాంతికి గురైంది. బాధితురాలి ఫిర్యాదుతో రంగంలోకి దిగిన గచ్చిబౌలి పోలీసులు సీసీటీవీ ఫుటేజీ ఆధారంగా నిందితుడిని గుర్తించి కటకటాల వెనక్కి నెట్టారు.
క్యాబ్ ఎక్కుతుండగానే ఘాతుకం..
సీసీటీవీల ఆధారంగా నిందితుడి అరెస్ట్..
ఘటనతో షాకైనప్పటికీ ధైర్యం చేసి సదరు యువతి ఏమాత్రం ఆలస్యం చేయకుండా గచ్చిబౌలి పోలీస్ స్టేషన్లో ఫిర్యాదు చేసింది. పోలీసులు ఘటనా స్థలానికి చేరుకుని పరిసరాల్లోని సీసీటీవీ కెమెరాలను క్షుణ్ణంగా పరిశీలించారు. నిందితుడిని జార్ఖండ్ రాష్ట్రానికి చెందిన 25 ఏళ్ల రాజ్కుమార్గా గుర్తించారు.ఇందిరానగర్లోని ‘సంతోష్ దాబా’లో సెక్యూరిటీ గార్డుగా పనిచేస్తున్న రాజ్కుమార్ను పోలీసులు గాలించి పట్టుకుని అరెస్ట్ చేశారు. అతనిపై కేసు నమోదు చేసి లోతైన విచారణ జరుపుతున్నారు.
నిత్యం వేలాది మంది ఉద్యోగులతో రద్దీగా ఉండే ఐటీ కారిడార్లో పట్టపగలే ఇలాంటి ఘటన జరగడం స్థానిక టెక్కీలలో, పీజీలలో ఉండే మహిళల్లో తీవ్ర భయాందోళనలకు గురిచేసింది. మహిళల భద్రత విషయంలో రాజీలేకుండా నిందితుడిపై కఠిన చర్యలు తీసుకోవాలని మహిళా సంఘాలు డిమాండ్ చేస్తున్నాయి.