Health Tips: రోజూ వాకింగ్ చేయడం ఆరోగ్యానికి మంచిది. అవును.. కఠోరమైన వ్యాయామం చేయడం కంటే.. రోజుకు ఒక గంట వాకింగ్ చేస్తే చాలు.. శరీరం ఫిట్ గా ఉంటుందని ఆరోగ్య నిపుణులు అంటున్నారు. కానీ, రుతుక్రమం వచ్చే రోజుల్లో మహిళలు వాకింగ్‌కి వెళ్లవచ్చా? అది మంచిదేనా? అనే సందేహాలు మనందరికీ ఉన్నాయి. ఎందుకంటే ప్రతి ఒక్కరి శరీరం భిన్నంగా ఉంటుంది. కొంతమందికి బహిష్టు సమయంలో చాలా నొప్పి ఉంటుంది. దానివల్ల చాలా ఇబ్బంది పడుతుంటారు. ఆ బాధను భరించే శక్తి కొందరికి ఉంటుంది. కాబట్టి, రోజూ నడిచే మహిళలు బహిష్టు సమయంలో వాకింగ్‌కు వెళ్లవచ్చా?
బహిష్టు సమయంలో నడిచేటప్పుడు, శరీరంలో రక్త ప్రసరణ సరిగ్గా జరుగుతుంది. ఇలా చేస్తే బహిష్టు నొప్పి తగ్గుతుందని వైద్యులు చెబుతున్నారు. ఇది కాకుండా, నడక ఉబ్బరం వంటి శరీర సమస్యలకు కూడా సహాయపడుతుంది. బహిష్టు సమయంలో వాకింగ్ కు వెళితే మానసిక ఒత్తిడి తగ్గుతుందని నిపుణులు చెబుతున్నారు. బహిష్టు సమయంలో ఒత్తిడి లేకుండా ఉండటం చాలా ముఖ్యం. ఎందుకంటే ఈ రోజుల్లో ఒత్తిడికి లోనైతే రుతుక్రమం పెరిగే అవకాశం ఉంది.
Health Tips: నడక వంటి వ్యాయామం చేస్తే మానసిక స్థితి బాగుంటుందని వైద్యులు చెబుతున్నారు. అలాగే బహిష్టు సమయంలో నడవడం వల్ల హార్మోన్ల మార్పుల వల్ల చికాకులు తగ్గుతాయి. కొంతమంది అమ్మాయిలకు ఏదైనా శారీరక శ్రమ చేస్తే రక్తస్రావం పెరుగుతుంది. కాబట్టి నడక వంటి వ్యాయామాల వల్ల రక్తస్రావం పెరుగుతుంది. సుదీర్ఘమైన లేదా కఠినమైన నడక త్వరగా కండరాల తిమ్మిరికి కారణమవుతుంది. దీంతో కాళ్ల నొప్పులు పెరుగుతాయి. కాబట్టి జాగ్రత్తగా ఉండండి.