Bigg Boss 10 Telugu: బుల్లితెర రియాలిటీ షో ‘బిగ్ బాస్ తెలుగు సీజన్ 10’ రెండు వారాలు ముగియకముందే తీవ్ర ఉత్కంఠను రేపుతోంది. హౌస్లో కెప్టెన్సీ కోసం జరిగిన రోప్ ఫిజికల్ టాస్కులు, గొడవలు, వ్యూహాత్మక గ్రూపులు ఒకవైపు ఆటను హీటెక్కిస్తుండగా.. బయట అనధికారిక ఓటింగ్ ట్రెండ్స్లో నమోదవుతున్న ఫలితాలు ప్రేక్షకులను ఆశ్చర్యానికి గురిచేస్తున్నాయి. మొదటి వారం మిడ్-వీక్ ఎలిమినేషన్స్, ‘పవర్ ఆఫ్ పీపుల్’ ట్విస్టుల అనంతరం.. రెండో వారం నామినేషన్స్లో ఏకంగా 11 మంది కంటెస్టెంట్లు బరిలో నిలిచారు.
నామినేషన్లలో 11 మంది – రోప్ టాస్క్ ట్విస్ట్
రెండో వారం నామినేషన్ల కోసం బిగ్ బాస్ ప్రవేశపెట్టిన రోప్ టాస్క్లో ఓడిపోయిన వారు నేరుగా నామినేట్ అవ్వడంతో పాటు, గెలిచిన వారికి సింగిల్/డబుల్ నామినేషన్ చేసే అధికారం ఇచ్చారు. ఈ ప్రక్రియ ముగిసేసరికి మొత్తం 11 మంది ఎలిమినేషన్ రేసులో నిలిచారు:
-
నామినేట్ అయిన కంటెస్టెంట్లు: త్రిగుణ్ (ఆదిత్ అరుణ్), రోహిత్ నాయుడు, ముఖేష్ గౌడ, జబర్దస్త్ రామ్ ప్రసాద్, దేబ్జానీ మోదక్, షాలిని దమెర, సింగర్ ఝాన్సీ, సుధీర్ రెడ్డి, సృష్టి వ్యాకరణం, యాంకర్ వర్షిణి సౌందరరాజన్ మరియు సీనియర్ నటుడు కృష్ణుడు.
ఓటింగ్ ట్రెండ్స్ లెక్కలు – టాప్ వర్సెస్ బాటమ్..
ఫ్యాన్ పోల్స్ మరియు అనధికారిక ఓటింగ్ ట్రెండ్స్ ప్రకారం టాప్ స్థానాల్లోనూ, చిట్టచివరి స్థానాల్లోనూ ఆసక్తికర సమీకరణాలు కనిపిస్తున్నాయి..
| స్థానం | కంటెస్టెంట్ | ఓటింగ్ శాతం (అంచనా) | ప్రస్తుత స్థితి |
| 1 | త్రిగుణ్ (హీరో) | ~32.07% | సేఫ్ జోన్ (ముందంజ) |
| 2 | రోహిత్ నాయుడు (కామనర్) | ~30.55% | సేఫ్ జోన్ (గట్టి పోటీ) |
| 3 | ముఖేష్ గౌడ | ~10.03% | సేఫ్ జోన్ |
| 4 | జబర్దస్త్ రామ్ ప్రసాద్ | ~7.59% | సేఫ్ జోన్ |
| 5 | దేబ్జానీ మోదక్ | ~5.35% | మోడరేట్ జోన్ |
| 6 | షాలిని | ~3.84% | మోడరేట్ జోన్ |
| 7 | ఝాన్సీ | ~2.40% | రిస్క్ జోన్ |
| 8 | సృష్టి వ్యాకరణం | ~2.24% | రిస్క్ జోన్ |
| 9 | సుధీర్ రెడ్డి | ~2.06% | రిస్క్ జోన్ |
| 10 | కృష్ణుడు | ~1.96% | డేంజర్ జోన్ |
| 11 | వర్షిణి సౌందరరాజన్ | ~1.90% | డేంజర్ జోన్ |
(గమనిక: ఇవి కేవలం ఆన్లైన్ ఫ్యాన్ పోల్స్ లెక్కలు మాత్రమే. బిగ్ బాస్ అధికారిక ఫలితాలు షో నిర్వాహకుల కౌంటింగ్ పైనే ఆధారపడి ఉంటాయి).
డేంజర్ జోన్లో ఎవరు? – డబుల్ ఎలిమినేషన్ గండం:
-
కృష్ణుడు వెనుకబడటానికి కారణాలు:టాస్కుల్లో చురుగ్గా పాల్గొనకపోవడం, త్రిగుణ్తో ముచ్చట్లు మినహా సొంత గేమ్ను ప్రజల్లోకి బలంగా తీసుకెళ్లలేకపోవడంతో కృష్ణుడికి స్క్రీన్ స్పేస్ తగ్గి ఓటింగ్ దెబ్బతిన్నట్లు విశ్లేషకులు భావిస్తున్నారు.
-
వర్షిణి వర్సెస్ సృష్టి:యాంకర్ వర్షిణి కూడా చివరి స్థానంలో ఉన్నప్పటికీ.. హౌస్లో ముఖేష్తో లవ్ ట్రాక్, కంటెంట్ ఇవ్వడం వంటి కారణాలతో ఆమెను కాపాడే అవకాశం ఉందన్న ప్రచారం జరుగుతోంది.
-
డబుల్ ఎలిమినేషన్ ఉంటుందా?:తొలి వారంలో సరైన సాధారణ ఎలిమినేషన్ జరగకపోవడం, రానున్న వారాల్లో కొత్త వైల్డ్కార్డ్ ఎంట్రీలను దించే ప్లాన్ ఉండటంతో రెండో వారంలో డబుల్ ఎలిమినేషన్ తప్పకపోవచ్చనే వార్తలు వస్తున్నాయి. ఒకవేళ సింగిల్ ఎలిమినేషన్ అయితే కృష్ణుడు ఇంటిబాట పట్టే అవకాశాలు ఎక్కువగా ఉండగా.. డబుల్ ఎలిమినేషన్ జరిగితే కృష్ణుడితో పాటు వర్షిణి లేదా సృష్టి/సుధీర్లలో ఒకరు ఎలిమినేట్ అయ్యే ప్రమాదం ఉంది.
వీకెండ్ ఎపిసోడ్లో హోస్ట్ నాగార్జున ఎవరికి రెడ్ కార్డ్ చూపిస్తారనేది కొద్ది గంటల్లో తేలనుంది.