Author: MAHAA News Desk

Amaravathi: ఆంధ్రప్రదేశ్ ప్రభుత్వం ఈ నెల 28న అసెంబ్లీ ప్రత్యేక సమావేశాన్ని ఏర్పాటు చేసి అమరావతిని రాజధానిగా ప్రకటిస్తూ తీర్మానం చేయనుంది. ఈ తీర్మానాన్ని కేంద్రానికి పంపి, పార్లమెంట్ ద్వారా తుది ఆమోదం పొందాలని ప్రభుత్వం భావిస్తోంది. తద్వారా అమరావతి నిర్మాణ పనులను వేగవంతం చేయడమే సీఎం చంద్రబాబు లక్ష్యం.

Supreme Court: హిందూ, బౌద్ధ, సిక్కు మతాలు కాకుండా ఇతర మతాల్లోకి మారితే ఎస్సీ హోదా రద్దవుతుందని సుప్రీంకోర్టు తీర్పునిచ్చింది. మతం మారిన వారికి అట్రాసిటీ చట్టం కింద రక్షణ లభించదని, కుల సర్టిఫికెట్ ఉన్నా మతం ఆధారంగానే హోదా నిర్ణయించబడుతుందని ధర్మాసనం స్పష్టం చేసింది. ఏపీ హైకోర్టు ఇచ్చిన తీర్పును అత్యున్నత న్యాయస్థానం సమర్థించింది.

విజయవాడలో ఉగ్రవాద భావజాలానికి ఆకర్షితులైన ముగ్గురు యువకులను పోలీసులు అరెస్ట్ చేశారు. BENX అనే గ్రూపు ద్వారా వీరు విదేశీ హ్యాండ్లర్లతో సంబంధాలు కలిగి ఉన్నట్లు తేలింది. ఈ కేసులో హైదరాబాద్, బిహార్‌కు చెందిన వ్యక్తుల ప్రమేయం ఉండటంతో పోలీసులు దర్యాప్తును వేగవంతం చేశారు.