Woman: మహిళా భద్రత, సమానత్వం గురించి ప్రపంచవ్యాప్తంగా చర్చ జరుగుతున్నప్పటికీ, గృహ హింస, కుటుంబ సభ్యుల చేతిలో మహిళల హత్యలు ఏ మాత్రం తగ్గడం లేదు. దీనికి సంబంధించిన ఒక భయంకరమైన నిజాన్ని ఐక్యరాజ్యసమితి (UN) తాజా నివేదిక వెల్లడించింది.
యుఎన్ నివేదిక ప్రకారం, ప్రపంచవ్యాప్తంగా సగటున ప్రతి 10 నిమిషాలకు ఒక మహిళ తన భర్త లేదా కుటుంబ సభ్యుల చేతుల్లోనే దారుణంగా హత్యకు గురివుతున్నారు. ఈ లెక్కలు సమాజాన్ని ప్రభుత్వాలని దిగ్భ్రాంతికి గురిచేస్తున్నాయి.
60% హత్యలకు కారణం కుటుంబ సభ్యులే
గతేడాది ప్రపంచవ్యాప్తంగా మొత్తం 83 వేల మంది మహిళలు, బాలికలు హత్యకు గురయ్యారు. ఈ మొత్తం హత్యలలో, దాదాపు 60% మంది మహిళలు తమ భాగస్వాములు భర్త లేదా ఇతర కుటుంబ సభ్యుల వల్లే ప్రాణాలు కోల్పోయినట్టు నివేదిక స్పష్టం చేసింది.
ఈ సంఖ్యల తీవ్రతను మరింత స్పష్టంగా చెప్పాలంటే:
రోజుకు 137 మంది.. సగటున రోజుకు 137 మంది మహిళలు తమ కుటుంబ సభ్యులు లేదా భాగస్వామి చేతుల్లోనే హత్యకు గురవుతున్నారు.
ఇది కూడా చదవండి: Sri Srinivasa Kalyana Mahotsavam: గచ్చిబౌలిలో తిరుమల వైభవం.. ఈరోజు సాయంత్రం శ్రీనివాస కల్యాణం
ఈ భయంకరమైన గణాంకాలు మహిళలు తమ సొంత ఇళ్లలోనే, తమను తాము సురక్షితంగా భావించే ప్రదేశాలలోనే ఎంతటి ప్రమాదంలో ఉన్నారో తెలియజేస్తున్నాయి.
ఆందోళనకరం: ‘ఫెమిసైడ్’పై దృష్టి సారించాల్సిన అవసరం
కుటుంబ సభ్యులు లేదా సన్నిహిత భాగస్వామి చేతిలో మహిళలు హత్యకు గురవడాన్ని సాధారణంగా ‘ఫెమిసైడ్’ (Femicide) అంటారు. ప్రపంచవ్యాప్తంగా మహిళలు, బాలికలు ఎదుర్కొంటున్న ఈ అత్యంత తీవ్రమైన మానవ హక్కుల ఉల్లంఘనపై అంతర్జాతీయ సమాజం తక్షణమే దృష్టి సారించాలి.
కేవలం చట్టాలు రూపొందించడమే కాకుండా, మహిళల భద్రత కోసం సామాజిక మార్పు, విద్య, చట్టాల పటిష్ట అమలు మరియు బాధితులకు తగిన సహాయాన్ని అందించడం వంటి చర్యలు తీసుకోవాల్సిన అవసరం ఉందని ఈ నివేదిక ప్రపంచ దేశాలకు గట్టి హెచ్చరిక పంపింది. మహిళలకు రక్షణ కల్పించడంలో ప్రభుత్వాలు, సమాజం విఫలమవుతున్నాయనడానికి ఈ గణాంకాలే నిదర్శనం.