Nana Patekar: భారతీయ సినీ పరిశ్రమలో మరో విషాదం చోటుచేసుకుంది. తనదైన పవర్‌ఫుల్ డైలాగ్ డెలివరీ, విలక్షణమైన నటనతో కోట్లాది మంది అభిమానుల హృదయాల్లో చెరగని ముద్ర వేసుకున్న సీనియర్ నటుడు, దర్శకుడు నానా పాటేకర్ (75) తుదిశ్వాస విడిచారు.
గోవాలోని డోనా పౌలాలో ఉన్న తన నివాసంలో ఆయన గుండెపోటుకు గురై అపస్మారక స్థితిలోకి వెళ్లిపోయారు. కుటుంబ సభ్యులు, సహాయకులు వెంటనే సమీపంలోని మణిపాల్ ఆసుపత్రికి తరలించారు. వైద్యులు సుమారు 45 నిమిషాల పాటు సీపీఆర్ చేసి, శాయశక్తులా ప్రయత్నించినప్పటికీ ఆయన ప్రాణాలు కాపాడలేకపోయారు. గురువారం (అక్టోబర్ 8) తెల్లవారుజామున 5:20 గంటలకు ఆయన మరణించినట్లు వైద్యులు, ఆయన కుమారుడు మల్హార్ పాటేకర్ అధికారికంగా ధ్రువీకరించారు. ఆయన మృతికి గౌరవసూచకంగా మహారాష్ట్ర ప్రభుత్వం అధికారిక లాంఛనాలతో (State Funeral) అంత్యక్రియలు నిర్వహించనున్నట్లు ప్రకటించింది.
నాలుగు దశాబ్దాల అద్భుత ప్రస్థానం..
నానా పాటేకర్ అసలు పేరు విశ్వనాథ్ పాటేకర్. 1951 జనవరి 1న మహారాష్ట్రలో జన్మించిన ఆయన.. థియేటర్ ఆర్టిస్ట్‌గా కెరీర్ ప్రారంభించి, 1978లో వచ్చిన ‘గమన్’ సినిమాతో వెండితెరకు పరిచయమయ్యారు.
ఐకానిక్ సినిమాలు..
పరిందా, ప్రహార్ (ఆయనే స్వయంగా దర్శకత్వం వహించారు), అంగార్, క్రాంతివీర్, తిరంగా, ఖామోషి, అబ్ తక్ ఛప్పన్, అపహరణ్, వెల్‌కమ్, రజనీకాంత్‌తో ‘కాలా’ వంటి సినిమాలతో ఆయన పాత్రలు భారతీయ సినీ చరిత్రలో చిరస్థాయిగా నిలిచిపోయాయి.
ప్రతిష్టాత్మక పురస్కారాలు..
తన అద్భుత నటనకు గాను ఆయన 3 జాతీయ చలనచిత్ర అవార్డులు (National Awards), నాలుగు ఫిల్మ్‌ఫేర్ అవార్డులను గెలుచుకున్నారు. కళారంగానికి చేసిన సేవలకు గాను 2013లో భారత ప్రభుత్వం ఆయనను దేశ నాల్గవ అత్యున్నత పౌర పురస్కారమైన పద్మశ్రీతో సత్కరించింది.
75 ఏళ్ల వయసులో కూడా ఆయన ఎంతో క్రమశిక్షణతో కూడిన జీవనశైలిని పాటించేవారు ఈ ఏడాదే ఆయన వరుసగా 15 ట్రైసెప్ డిప్స్ చేస్తూ కనిపించిన వ్యాయామం వీడియో నెట్టింట విపరీతంగా ట్రెండ్ అయింది. అంత వయసులోనూ ఆయన చూపిన స్టామినా యువతను సైతం ఆశ్చర్యపరిచింది.
నటనలో యాక్టివ్..
చివరి వరకు నటనకు దూరంగా ఉండలేదు. ఇటీవల విడుదలైన ‘హౌస్‌ఫుల్ 5’, ‘ఓ రోమియో’, ‘సుబేదార్’ వంటి సినిమాలలో ఆయన కీలక పాత్రల్లో అలరించారు.
కేవలం నటుడే కాదు.. రైతుల పాలిట ఆపద్భాంధవుడు..
నానా పాటేకర్ కేవలం తెరపై నటుడిగానే కాకుండా సమాజ సేవలోనూ నిజమైన హీరోగా నిలిచారు. మహారాష్ట్రలో కరవుతో అల్లాడుతున్న రైతుల కుటుంబాలను ఆదుకోవడానికి తన సొంత ఫౌండేషన్ ‘నామ్ ఫౌండేషన్’ (Naam Foundation) ద్వారా కోట్లాది రూపాయల ఆర్థిక సాయం అందించారు. తనకు వచ్చిన అనేక అవార్డుల నగదు బహుమతులను నేరుగా బాధిత రైతు కుటుంబాలకే విరాళంగా ఇచ్చి తన గొప్ప మనసును చాటుకున్నారు.
నానా పాటేకర్ హఠాన్మరణ వార్త తెలియగానే ప్రధాని మోదీ, సినీ దర్శకుడు రామ్ గోపాల్ వర్మ, రితీష్ దేశ్‌ముఖ్, కంగనా రనౌత్ సహా దేశవ్యాప్తంగా రాజకీయ, సినీ ప్రముఖులు తీవ్ర దిగ్భ్రాంతి వ్యక్తం చేస్తూ నివాళులు అర్పించారు. ఒక అరుదైన, నిజాయితీ గల గొప్ప కళాకారుడిని భారత చిత్ర పరిశ్రమ కోల్పోయిందని సినీ లోకం కన్నీటి వీడ్కోలు పలుకుతోంది.