ఒకే వాహనంలో ప్రాణాలు కోల్పోయిన విద్యార్థులు
పెన్సిల్వేనియా టర్న్‌పైక్‌లోని బ్రెక్‌నాక్ టౌన్‌షిప్‌లో ఉదయం 7 గంటల సమయంలో జరిగిన ఈ ప్రమాదంలో వారి వాహనం అదుపుతప్పి ముందుగా చెట్టును, అనంతరం వంతెనను ఢీకొట్టింది. తీవ్ర గాయాల కారణంగా ఇద్దరూ సంఘటనా స్థలంలోనే మృతి చెందారని లాంకాస్టర్ కౌంటీ కరోనర్ కార్యాలయం వెల్లడించింది. వాహనాన్ని సౌరవ్ ప్రభాకర్ నడుపుతున్నట్టు పోలీసులు తెలిపారు.
ఇంకొకరు గాయాలతో ఆసుపత్రిలో చికిత్స
వాహనంలో ముందు సీటులో ప్రయాణిస్తున్న మరో వ్యక్తి తీవ్ర గాయాలతో బయటపడగా, అతడిని తక్షణమే స్థానిక ఆసుపత్రికి తరలించారని పోలీసులు వెల్లడించారు.
భారత కాన్సులేట్ స్పందన
ఈ విషాద ఘటనపై న్యూయార్క్‌లోని భారత కాన్సులేట్ జనరల్ తీవ్ర దిగ్భ్రాంతి వ్యక్తం చేసింది. “ఇద్దరు యువ భారతీయ విద్యార్థుల మృతి వార్త బాధాకరం. ఈ క్లిష్ట సమయంలో వారి కుటుంబాలకు మా ప్రార్థనలు. వారికి అవసరమైన అన్ని సహాయాన్ని అందించేందుకు కాన్సులేట్ పూర్తిగా కట్టుబడి ఉంది” అని X లో పోస్ట్ చేసింది.
Deeply saddened to learn about the unfortunate road accident in which two Indian students from Cleaveland State University, Manav Patel and Saurav Prabhakar lost their lives;
Our thoughts and prayers are with their families during this difficult time. The Consulate is in touch…— India in New York (@IndiainNewYork) May 12, 2025
ప్రయాణీకుల మృతికి కారణం: ప్రమాదవశాత్తే
పోలీసుల ప్రకారం, వాహనం అధిక వేగంతో ప్రయాణిస్తున్న సమయంలో జరిగిన ఈ ప్రమాదం, కేవలం అనుకోకుండా జరిగిన సంఘటనగా భావిస్తున్నారు. మానవీయ తప్పిదమా లేదా వాతావరణ పరిస్థితుల ప్రభావమా అన్నదానిపై పూర్తి నివేదిక త్వరలో వెలువడనుంది.
ఇది కూడా చదవండి: Jagan: వ్యూహం 2.0: జగన్‌ చూపంతా గోదావరి మీదే!
మరణించిన వారి కుటుంబాలకు భారతీయ కమ్యూనిటీ నుంచి సంఘీభావం
విదేశాల్లో ఉన్న తల్లిదండ్రులకు ఇది తట్టుకోలేని విషాదం. విద్యార్థుల మృతితో భారతీయ కమ్యూనిటీలో తీవ్ర విషాదచాయలు అలముకున్నాయి. వారి కుటుంబాలకు అన్ని విధాలుగా మద్దతుగా నిలబడేలా చర్యలు కొనసాగిస్తున్నట్లు కమ్యూనిటీ నేతలు పేర్కొన్నారు.