Vishwambhara: మెగాస్టార్ చిరంజీవి హీరోగా, యంగ్ డైరెక్టర్ వశిష్ఠ రూపొందిస్తున్న భారీ ఫాంటసీ చిత్రం ‘విశ్వంభర’నుంచి తొలి సింగిల్ విడుదలై సంచలనం సృష్టిస్తోంది. త్రిష హీరోయిన్‌గా నటిస్తున్న ఈ చిత్రం అప్‌డేట్‌ కోసం ఫ్యాన్స్ ఎంతగానో ఎదురుచూశారు. ఈ సాంగ్ ఒక్కసారిగా అంచనాలను మించి అభిమానులకు మ్యూజికల్ ట్రీట్ ఇచ్చింది. కీరవాణి స్వరాల సమ్మోహనం, శంకర్ మహదేవన్ గాత్ర మాయ, రామ జోగయ్య శాస్త్రి సాహిత్యం కలిసి ఈ పాటను ఇన్‌స్టంట్ చార్ట్‌బస్టర్‌గా మార్చాయి. చిరంజీవి రాముడితో పోల్చేలా రాసిన పదాలు హృదయాన్ని హత్తుకుంటాయి. చిరు మార్క్ సింపుల్ స్టెప్స్, గ్రేస్‌ఫుల్ లుక్‌తో స్క్రీన్‌పై మెరిసిపోయారు. విజువల్స్‌లో ఆర్ట్‌వర్క్, నిర్మాణ విలువలు స్టన్నింగ్‌గా అనిపిస్తాయి. ఈ సాంగ్ విశ్వంభరపై అంచనాలను రెట్టింపు చేసింది. ఫాంటసీ జోనర్‌లో రూపొందుతున్న ఈ చిత్రం బాక్సాఫీస్‌ను షేక్ చేయడం ఖాయమని ఫ్యాన్స్ ధీమా వ్యక్తం చేస్తున్నారు. మరిన్ని అప్‌డేట్స్ కోసం ఉత్కంఠ నెలకొంది!
