తన వెంటపడొద్దని, వాహనానికి కొంత దూరం పాటించాలని సియా హెచ్చరించడంతో పాటు ఆమె స్నేహితులు వారించినా వినకుండా మరింత రెచ్చిపోయాడు. సియా బైక్ను ఓవర్టేక్ చేసి, కావాలనే అడ్డంగా కారును తిప్పి సైడ్ నుంచి బలంగా గుద్దేశాడు. దీంతో సియా బైక్పై నుంచి ఎగిరి రోడ్డుపై పడి తీవ్ర గాయాలపాలైంది. బైక్ రోడ్డుపై కొద్ది దూరం వరకు ఈడ్చుకెళ్లింది.
కెమెరాలో రికార్డైన దృశ్యాలు – నెటిజన్ల ఆగ్రహం..
ఈ మొత్తం తతంగం బాధితురాలి బైక్కు ఉన్న యాక్షన్ కెమెరాలో స్పష్టంగా రికార్డైంది. బాధితురాలు ఆ వీడియోను సోషల్ మీడియాలో పోస్ట్ చేయడంతో దేశవ్యాప్తంగా తీవ్ర ఆగ్రహం వ్యక్తమైంది. మహిళల భద్రతను ప్రశ్నార్థకం చేస్తున్న నిందితుడిపై కఠిన చర్యలు తీసుకోవాలని డిమాండ్లు వెల్లువెత్తాయి.
ఆర్మీ జవాన్ కారుతో నేరం – రాజస్థాన్లో పట్టివేత..
-
కారు వివరాలు:కారు నంబర్ (HR30Y4949) ఆధారంగా దర్యాప్తు చేయగా, అది హర్యానా పల్వాల్కు చెందిన ఆర్మీ ఉద్యోగి మనీష్ పేరిట ఉన్నట్లు తేలింది. ప్రస్తుతం అసోంలో విధుల్లో ఉన్న మనీష్.. ఆదివారం తన స్నేహితుడైన కల్యాణ్ బైస్లా తన కుటుంబం వద్ద నుంచి కారు తీసుకెళ్లాడని స్పష్టం చేశాడు.
-
దౌసాలో అరెస్ట్:
కారు నడిపిన నిందితుడు కల్యాణ్ బైస్లాగా నిర్ధారించుకున్న గురుగ్రామ్ పోలీసులు ప్రత్యేక బృందాలతో గాలించి, రాజస్థాన్లోని దౌసాలో అతడిని అదుపులోకి తీసుకున్నారు. మహిళ ప్రాణాలను ప్రమాదంలోకి నెట్టినందుకు గాను అతడిపై కఠిన సెక్షన్లు నమోదు చేశారు.
మహిళా బైకర్ను వెంబడించి కారుతో ఢీకొట్టిన ఘటనలో నిందితుడు అరెస్ట్
నిందితుడు కల్యాణ్ బైస్లాను రాజస్థాన్లోని దౌసాలో అదుపులోకి తీసుకున్న పోలీసులు
నిందితుడిపై హత్యాయత్నం కింద కేసు నమోదు.. గురుగ్రాం కోర్టులో హాజరుపరిచే అవకాశం
గురుగ్రాంలో సియా అనే మహిళా బైకర్ను వెంబడించి కారుతో… https://t.co/O7mtY7DqVV pic.twitter.com/6jYO9dZebu
— Telugu Scribe (@TeluguScribe) September 15, 2026