Viral News: సోషల్ మీడియా ప్రపంచంలో ఎంతో అన్యోన్యంగా కనిపించే దంపతుల జీవితాల్లో కెమెరా వెనుక అసలు ఏం జరుగుతుందో చెప్పడం కష్టం. కాలేజీ రోజుల ప్రేమ, పెద్దల సమ్మతితో పెళ్లి, ఇన్స్టాగ్రామ్లో వేలాది మంది ఫాలోవర్లతో క్యూట్ కపుల్గా పేరు తెచ్చుకున్న ఒక వ్లాగర్ జీవితంలో ఊహించని విపత్తు ఎదురైంది.
కేరళకు చెందిన ప్రముఖ యూట్యూబర్ అఖిల్ ఎన్ఆర్డీ (Akhil NRD) భార్య మేఘా నాయర్.. అర్ధరాత్రి వేళ ఓ బస్సు కండక్టర్తో కలిసి ఇల్లు వదిలి పారిపోవడం ప్రస్తుతం దేశవ్యాప్తంగా నెట్టింట తీవ్ర చర్చనీయాంశంగా మారింది.
చదువుకు పంపితే.. కండక్టర్తో ప్రేమలో పడి!
మర్చంట్ నేవీ ఉద్యోగాన్ని సైతం వదిలేసి ఫుల్ టైమ్ వ్లాగర్గా మారిన అఖిల్, 2024లో తన ప్రేమికురాలు మేఘను ఎంతో ఘనంగా వివాహం చేసుకున్నాడు.
-
కోర్సులో చేర్చిన భర్త: పెళ్లయ్యాక మేఘ మళ్లీ చదువుకుంటానని చెప్పడంతో అఖిల్ ఆమెను ఒక ప్రత్యేక కోర్సులో చేర్పించి, ఫీజులు కూడా చెల్లించాడు.
-
బస్సు ప్రయాణంలో పరిచయం: రోజూ ఆ కోర్సు కోసం బస్సులో వెళ్లి వచ్చే క్రమంలో మేఘకు ఒక స్థానిక బస్సు కండక్టర్తో పరిచయం ఏర్పడింది. అది కాస్తా ప్రేమగా మారింది.
-
ప్రభుత్వ ఉద్యోగం రాగానే జంప్: ఇటీవల ఆ కండక్టర్కు ప్రభుత్వ ఉద్యోగం రావడంతో, మేఘ అతనితో వెళ్లాలని నిర్ణయించుకుంది. ఈ క్రమంలోనే సూట్కేస్లో డబ్బు, బంగారంతో పాటు ఇంట్లోని విలువైన వస్తువులను సర్దుకుని అర్ధరాత్రి వేళ ఇల్లు వదిలి వెళ్ళిపోయింది.
సీసీటీవీ దృశ్యాలు బయటకు – ఇద్దరి ఆరోపణలు!
భార్య కనిపించకపోవడంతో కంగారుపడిన అఖిల్ పోలీసులకు ఫిర్యాదు చేయగా, వాళ్లు సీసీటీవీ ఫుటేజ్ పరిశీలించడంతో అసలు విషయం బయటపడింది. మేఘ సూట్కేస్ పట్టుకుని నైట్ డ్రెస్లో పరిగెత్తుకుంటూ వచ్చి, రోడ్డుపై సిద్ధంగా ఉన్న కండక్టర్ కార్లో ఎక్కి వెళ్లిపోవడం ఆ వీడియోలో స్పష్టంగా కనిపిస్తోంది.
ఈ వీడియో వైరల్ కావడంతో మేఘ సోషల్ మీడియాలో ఒక వివరణ ఇస్తూ..
అఖిల్తో నా సంబంధం సరిగ్గా లేదు. అతని వేధింపులు తట్టుకోలేక, అతనికి వేరే అమ్మాయిలతో సంబంధాలు ఉండటం వల్లే నేను ఇల్లు వదిలి వెళ్లిపోయాను.
అని ఒక వీడియో పోస్ట్ చేసి మళ్లీ డిలీట్ చేసిందని ప్రచారం నడుస్తోంది. అయితే, భార్య పారిపోయిందని అఖిల్ స్వయంగా తన యూట్యూబ్ ఛానెల్లో బాధపడుతూ వీడియో చేయడంతో.. నెటిజన్లు రకరకాల మీమ్స్, పోస్టర్లు క్రియేట్ చేస్తూ కామెంట్లు పెడుతున్నారు. ఆన్లైన్ గ్లామర్ లైఫ్ వెనుక ఉన్న చేదు నిజాలకు ఈ ఘటన నిదర్శనమని విశ్లేషకులు అభిప్రాయపడుతున్నారు.