Yoga: ఇటీవలి కాలంలో PCOD, PCOS ఆరోగ్య సమస్యలు పెరుగుతున్నాయి. PCOD అంటే పాలిసిస్టిక్ ఓవేరియన్ డిసీజ్, PCOS అంటే పాలిసిస్టిక్ ఓవేరియన్ సిండ్రోమ్. ఇవి జీవనశైలి మార్పులు, హార్మోన్ల తేడాల వల్ల ఈ మధ్య అమ్మాయిల్లో ఎక్కువగా వస్తున్నాయి. దీని నుండి బయటపడటానికి రకరకాల ప్రయత్నాలు చేస్తుంటారు. ఇలాంటి సమస్యలు ఎదుర్కొనేందుకు సులభమైన, ఆరోగ్యకరమైన మార్గాలు ఉన్నాయా అని మనం ఆలోచించాలి. యోగాతో ఈ సమస్యలను అధిగమించవచ్చా..? అనే విషయాలను ఈ స్టోరీలో తెలుసుకుందాం..
PCOD, PCOS అనేవి మనం విస్మరించకూడని ఆరోగ్య సమస్యలు. దీని నుండి బయటపడటానికి, మనం ప్రధానంగా మన ఆహారంలో, మన జీవనశైలిలో ఆరోగ్యకరమైన మార్పులు చేసుకోవాలి. యోగా సాధన చేయాలి. PCOD, PCOS రెండింటిలోనూ.. ఋతు చక్రాలు సక్రమంగా ఉండవు. PCOSలో శరీరం ఇన్సులిన్‌కు సరిగ్గా స్పందించదు. మెడ, శరీరంలోని ఇతర భాగాలపై అవాంఛిత రోమాలు పెరగడం ఈ సమస్య యొక్క లక్షణాలే. ఈ సమస్యలు ఉన్నవారు..తమ ఆహారంలో కార్బోహైడ్రేట్ కంటెంట్‌ను తగ్గించుకోవాలి’’ అని వైద్యలు సూచిస్తున్నారు.
ఇది కూడా చదవండి: Yoga Day: నేడు అంతర్జాతీయ యోగా దినోత్సవం..విశాఖపట్నంలో మూడు లక్షల మందితో ప్రధాని మోదీ యోగా చేయనున్నారు.
PCOD మరియు PCOS లను వదిలించుకోవడానికి యోగా ఎలా సహాయపడుతుంది?
యోగా సాధన హార్మోన్లను సమతుల్యం చేయడంలో సహాయపడుతుంది. కాబట్టి PCOD, PCOS ఉన్నవారు పశ్చిమోత్తనాసనం, తుబంధాసనం, చేయవచ్చు. ఇది నిరాశ, ఒత్తిడి, ఆందోళనను తగ్గిస్తుంది. అంతే కాదు ఇది రక్త ప్రసరణను కూడా మెరుగుపరుస్తుంది. అదనంగా ఒత్తిడిని తగ్గించడానికి ధ్యానం, ప్రాణాయామం కూడా చేయాలి. అలాగే యోగాతో పాటు మనం తీసుకునే ఆహారం పట్ల కూడా శ్రద్ధ వహించాలి. కఠినమైన ఆహారంతో పాటు యోగాభ్యాసాలను అవలంబించడం ద్వారా PCOD, PCOS నుండి బయటపడవచ్చు.