Nandamuri Tejaswini: నందమూరి కుటుంబానికి సంబంధించిన వ్యక్తులు సాధారణంగా మీడియా హడావుడికి, అనవసర ప్రచారాలకు కాస్త దూరంగా ఉంటారనే సంగతి మనందరికీ తెలిసిందే. ముఖ్యంగా నటసింహం నందమూరి బాలకృష్ణ కుటుంబ సభ్యులు కూడా చాలా అరుదుగా మాత్రమే కెమెరాల ముందుకు వస్తుంటారు. అయితే, తాజాగా బాలకృష్ణ చిన్న కుమార్తె నందమూరి తేజస్వినికి సంబంధించిన ఒక ఆసక్తికర వీడియో ఇప్పుడు ఇంటర్నెట్ను షేక్ చేస్తోంది. ఆమె చేసిన డాన్స్ సోషల్ మీడియాలో ఒక్కసారిగా వైరల్ కావడంతో నెటిజన్ల అందరి దృష్టి ఇప్పుడు తేజస్విని పైనే పడింది.
ఎప్పుడూ చూసినా తేజస్విని చాలా పద్ధతిగా, క్లాస్గా, ఎవరిపనిలో వారు ఉండేలా రిజర్వ్డ్గా కనిపిస్తూ ఉంటారు. కానీ, తాజాగా ఆమె తనలోని సరికొత్త టాలెంట్ను బయటపెట్టి అందరినీ ఆశ్చర్యపరిచారు. టాలీవుడ్ ప్రముఖ కొరియోగ్రాఫర్ భాను మాస్టర్తో కలిసి తేజస్విని వేసిన అదిరిపోయే స్టెప్పులు ఇప్పుడు అందరినీ మెస్మరైజ్ చేస్తున్నాయి. ఈ డాన్స్ వీడియోను భాను మాస్టర్ స్వయంగా తన సోషల్ మీడియా ఖాతాలో పంచుకోవడంతో ఇది కాస్తా క్షణాల్లో వైరల్గా మారింది.
ఈ వీడియోలో సాంగ్ బీట్స్కు తగ్గట్టుగా తేజస్విని చూపించిన గ్రేస్, ఎనర్జీ చూసి నందమూరి అభిమానులు మురిసిపోతున్నారు. “మన బాలయ్య కూతురా మజాకా.. తండ్రికి తగ్గ కూతురు” అంటూ కామెంట్లు పెడుతున్నారు. తేజస్వినిలో ఇంత మంచి డాన్స్ టాలెంట్ ఉందా అని సామాన్య నెటిజన్లు సైతం ఆశ్చర్యం వ్యక్తం చేస్తున్నారు. మరికొందరైతే ఆమె స్క్రీన్ ప్రెజెన్స్ చాలా బాగుందని, భవిష్యత్తులో ఆమె సినిమాల్లోకి వచ్చినా లేదా సినిమా నిర్మాణ రంగంలోకి అడుగుపెట్టినా మంచి విజయం సాధిస్తుందని తమ అభిప్రాయాలను వ్యక్తం చేస్తున్నారు.
Once in a while, dance your heart out! @sribharatm pic.twitter.com/pIOTzzcVsR
— Tejeswini Nandamuri Mathukumilli (@Tejeswini_M) May 29, 2026