Ponnam Prabhakar: రాహుల్ గాంధీపై మాట్లాడే స్థాయి కేటీఆర్‌కు లేదు..

రాహుల్ గాంధీని విమర్శించేంత ఇమేజ్, స్థాయి కేటీఆర్‌కు లేదని మంత్రి పొన్నం ప్రభాకర్ తన పోస్ట్‌లో పేర్కొన్నారు.”దేశం కోసం సర్వస్వం త్యాగం చేసిన కుటుంబం రాహుల్ గాంధీది. అలాంటి నాయకుడి గురించి మాట్లాడే అర్హత కేటీఆర్‌కు లేదు” అని ఆయన స్పష్టం చేశారు.కాంగ్రెస్ ప్రభుత్వానికి కేవలం హామీలు ఇవ్వడమే కాదు, వాటిని క్షేత్రస్థాయిలో అమలు చేసే సత్తా కూడా ఉందని తెలిపారు. మీలాగా వేల కోట్ల రూపాయల ఆస్తులు సంపాదించాలనే ఆసక్తి గానీ, అవసరం గానీ తమకు లేదని, ప్రజా శ్రేయస్సే ధ్యేయంగా తమ ప్రభుత్వం పనిచేస్తోందని పొన్నం పేర్కొన్నారు.

పదేళ్ల బీఆర్ఎస్ పాలనలో జరిగిన పలు సంఘటనలను ప్రస్తావిస్తూ మంత్రి పొన్నం ప్రభాకర్ కేటీఆర్‌కు సూటి ప్రశ్నలు సంధించారు

కేటీఆర్ అవినీతి గురించి మాట్లాడటంపై స్పందిస్తూ.. స్వయంగా కేటీఆర్ ఫార్ములా-ఈ రేస్ (Formula-E Race) కేసులో అవినీతి ఆరోపణలు ఎదుర్కొంటున్నారని పొన్నం గుర్తుచేశారు. అంతేకాకుండా కాళేశ్వరం ప్రాజెక్టు, విద్యుత్ కొనుగోలు ఒప్పందాలు, అసైన్డ్ భూముల వ్యవహారాలను ప్రస్తావిస్తూ.. “ఇలా చెప్పుకుంటూ పోతే మీ హయాంలో జరిగిన అవినీతి లెక్కలు చెప్పడానికి ఏడాది పడుతుంది. మీ ఆధ్వర్యంలో జరిగిన ఆర్భాటాలకు, మా ప్రజా ప్రభుత్వంలో జరుగుతున్న ఏర్పాట్లకు పోలిక పెడితే అబద్ధం కూడా సిగ్గుపడుతుంది” అంటూ మంత్రి పొన్నం ప్రభాకర్ తన ట్వీట్‌లో తీవ్ర విమర్శలు గుప్పించారు.

రాహుల్ గాంధీ గారి గురించి మాట్లాడే అంత ఇమేజ్ కేటీఆర్ కి లేదు

ఆ కుటుంబ మొత్తం త్యాగం చేసిన కుటుంబం ..

నేరెళ్ల దళితుల దాడి మీ సారధ్యం కాదా ?
ఖమ్మంలో రైతులకు బేడీలు మీ పాలనలో కాదా?
మల్లన్న సాగర్ బాధితుల మీద లాఠీ ఛార్జి మీ పాలన కదా ?

పదేళ్లు అధికారంలో ఉండి ఒక్క గ్రూప్ వన్ నోటిఫికేషన్ ఇచ్చారా?

మేము ఇచ్చాము.. నిర్వహించి చూపించాము..

మాకు హామీలు ఇవ్వడమే కాదు అమలు చేసే సత్తా కూడా ఉంది ..

మీలాగ వేల కోట్ల రూపాయల ఆస్తుల సంపాదన మీద ఆసక్తి లేదు .. అవసరం లేదు .. ప్రజా శ్రేయస్సే ధ్యేయంగా పనిచేస్తున్నాము

అవినీతి గురించి మీరు మాట్లాడటం అంటే వింతగా ఉంది .. ఫార్ములా ఈ రేస్ కేసులో అవినీతి ఆరోపణలు ఎదుర్కొంటుందని మీరు ..

కాళేశ్వరం , విద్యుత్ కొనుగోలు.. అసైన్ ల్యాండ్ లు .. ఇలా చెప్పుకుంటూ పోతే.. మీ అవినీతిలెక్కలు చెప్పడానికి ఒక ఏడాది పడుతుంది ..

మీ ఆధ్వర్యంలో జరిగిన ఆర్భాటాలు .. మా ప్రజా ప్రభుత్వంలో జరుగుతున్న ఏర్పాట్లు. బేరీజు వేస్తే అబద్ధం కూడా సిగ్గు పడుతుంది ..

@KTRBRS @BRSparty @INCTelangana @INCIndia

— Ponnam Prabhakar (@Ponnam_INC) November 13, 2026