Mangli: చేవెళ్ల సమీపంలోని త్రిపుర రిసార్ట్‌లో గాయని మంగ్లీ పుట్టినరోజు వేడుకలు పెద్ద వివాదానికి దారితీశాయి. అనుమతుల్లేకుండా ఈవెంట్ నిర్వహించడంపై పోలీసులు కేసు నమోదు చేశారు. ఈ వేడుకలో అనేక అవకతవకలు చోటు చేసుకున్నట్టు పోలీసులు ప్రాథమిక విచారణలో గుర్తించారు.
కేసు నమోదు – నలుగురు ప్రధాన నిందితులు
మంగళవారం రాత్రి జరిగిన ఈ పార్టీలో అనుమతి లేకుండా ఈవెంట్ నిర్వహించినట్టు, అలాగే మద్యం వాడకం కూడా జరిగింది. ఈ ఘటనపై పోలీసులు నాలుగుగురిపై కేసు నమోదు చేశారు.
నిందితుల వివరాలు:
గాయని మంగ్లీ
రిసార్ట్ అసిస్టెంట్ మేనేజర్ రామకృష్ణ
ఈవెంట్ మేనేజర్ మేఘరాజ్
పాల్గొన్న వ్యక్తి దామోదర్ రెడ్డి
గంజాయి వినియోగం – ఎన్డీపీఎస్ కేసు
పార్టీలో పాల్గొన్న దామోదర్ రెడ్డి గంజాయి టెస్ట్‌లో పాజిటివ్ వచ్చిందని పోలీసులు తెలిపారు. దీంతో ఎన్డీపీఎస్ (NDPS) యాక్ట్ కింద కేసు నమోదు చేశారు. ఈ కేసు క్రింద గంజాయి వినియోగించిన వారిపై కఠిన చర్యలు తీసుకునే అవకాశముంది.
48 మంది హాజరు – సెలబ్రిటీల పేర్లు తెరపైకి
ఈ పార్టీకి మొత్తం 48 మంది హాజరైనట్టు పోలీసులు గుర్తించారు. ఇందులో గాయని దివి, మరోవైపు పాపులర్ ఫిగర్ కాసర్ల శ్యామ్ కూడా ఉన్నట్టు సమాచారం. విచారణ ఇంకా కొనసాగుతోంది.
రిసార్టులు = క్లబ్బులేనా?
ఈ ఘటనతో హైదరాబాద్ శివారు ప్రాంతాల్లో రిసార్టుల పేరుతో నడుస్తున్న పార్టీ హబ్స్ పై మరోసారి ప్రశ్నలు రేగాయి. అనుమతి లేకుండా రిసార్టుల్లో అశ్లీల నృత్యాలు, విదేశీ మద్యం సరఫరా జరుగుతోందని సమాచారం. రాత్రిళ్లు క్లబ్‌లా మారుతున్న ఈ ప్రదేశాలపై పోలీసులు దృష్టిసారించారు.
పోలీసులు బలమైన విచారణకు సిద్ధం
మొత్తం పార్టీలో చోటు చేసుకున్న అవకతవకలపై పోలీసులు వివరణలు తీసుకుంటున్నారు. ఈవెంట్ నిర్వాహకుల నుంచి పర్మిషన్ డాక్యుమెంట్లు, మద్యం సరఫరా ఆధారాలు, సీసీటీవీ ఫుటేజ్‌లు పరిశీలనలో ఉన్నాయి.