Gold Rate Today: పండుగల వేళ బంగారం, వెండి ఆభరణాలు కొనుగోలు చేయాలని భావిస్తున్న సామాన్యులకు తీవ్ర నిరాశ ఎదురైంది. నవరాత్రులు, దసరా, బతుకమ్మ, దీపావళి వంటి అతిపెద్ద పండుగల సీజన్ ప్రారంభమైన తరుణంలో దేశీయ మార్కెట్లో పసిడి ధరలు చుక్కలు చూపిస్తున్నాయి. ఒకవైపు అంతర్జాతీయ మార్కెట్ ప్రభావం, మరోవైపు దిగుమతి నిబంధనలలో మార్పులతో రేట్లు రికార్డు స్థాయికి చేరుకున్నాయి.
బంగారం, వెండి, ప్లాటినం దిగుమతులపై బ్యాంకులు, నామినేటెడ్ ఏజెన్సీలకు ఇప్పటివరకు ఇస్తున్న జీఎస్టీ మినహాయింపును కేంద్ర ప్రభుత్వం రద్దు చేసి, దిగుమతులపై 3 శాతం ఐజీఎస్టీ (IGST) విధిస్తున్నట్లు స్పష్టం చేసింది. పన్ను సమానత్వం తీసుకురావడానికి చేపట్టిన ఈ చర్యల ప్రభావంతో దేశీయ మార్కెట్లలో బంగారం ధరలకు మళ్లీ రెక్కలొచ్చాయి.
ఈరోజు అక్టోబర్ 10న ప్రధాన నగరాల్లో బంగారం ధరలు..
-
హైదరాబాద్:10 గ్రాముల 24 క్యారెట్ల (స్వచ్ఛమైన) బంగారం ధర రూ.1,50,720 వద్ద ట్రేడవుతుండగా, ఆభరణాల తయారీకి వాడే 22 క్యారెట్ల బంగారం ధర రూ.1,38,160 వద్ద కొనసాగుతోంది.
-
విజయవాడ & విశాఖపట్నం:ఆంధ్రప్రదేశ్‌లోని ప్రధాన నగరాలైన విజయవాడ, వైజాగ్‌లలోనూ హైదరాబాద్ తరహాలోనే 24 క్యారెట్ల రేటు రూ.1,50,720, 22 క్యారెట్ల రేటు రూ.1,38,160 వద్ద నమోదైంది.
-
చెన్నై & బెంగళూరు:చెన్నై, బెంగళూరు మార్కెట్లలో సైతం 24 క్యారెట్ల పసిడి ధర రూ.1,50,720 వద్ద, 22 క్యారెట్ల ధర రూ.1,38,160 వద్ద స్థిరంగా ట్రేడవుతున్నాయి.
-
దేశ రాజధాని ఢిల్లీ:ఢిల్లీలో 10 గ్రాముల 24 క్యారెట్ల బంగారం ధర రూ.1,50,870 వద్ద ఉండగా, 22 క్యారెట్ల రేటు రూ.1,38,310 వద్ద నడుస్తోంది.
నేటి వెండి (Silver) ధరల వివరాలు..
బంగారంతో పోలిస్తే వెండి ధరలు మార్కెట్లో స్థిరమైన ధోరణిని కనబరుస్తున్నాయి. కొన్ని నగరాల్లో స్వల్పంగా తగ్గుముఖం పట్టాయి:
-
హైదరాబాద్: కిలో వెండి ధర రూ.2,44,900 వద్ద కొనసాగుతోంది. (గత ట్రేడింగ్ రోజున ఇది రూ.2.45 లక్షల వద్ద ఉండేది).
-
చెన్నై: చెన్నైలో కూడా కేజీ వెండి ధర రూ.2,44,900 వద్ద ట్రేడవుతోంది.
-
ఢిల్లీ: దేశ రాజధానిలో కిలో వెండి ధర రూ.2,34,800 వద్ద ఉంది.
-
బెంగళూరు: బెంగళూరులో కేజీ వెండి ధర రూ.2,34,800 వద్ద కొనసాగుతోంది (శుక్రవారం నాటి ధర రూ.2,34,900తో పోలిస్తే రూ.100 తగ్గింది).
కొనుగోలుదారులపై పండుగల భారం..
సాధారణంగా దసరా, ధన్‌తేరాస్, దీపావళి వేళల్లో ప్రజలు కొత్త బంగారు ఆభరణాలు, వెండి నాణేలు కొనుగోలు చేయడానికి ప్రాధాన్యత ఇస్తుంటారు. అయితే ఇప్పటికే తులం బంగారం లక్షన్నర రూపాయల మైలురాయిని దాటేయడం, దానికి తోడు మేకింగ్ ఛార్జీలు, జీఎస్టీ అదనంగా చేరనుండటంతో పసిడి కొనుగోళ్లు మధ్యతరగతి ప్రజల బడ్జెట్‌కు తీవ్ర భారంగా మారనున్నాయి.