Empty Stomach: ఉదయం ఖాళీ కడుపుతో కొన్ని ఆహార పదార్ధలు తినడం ఆరోగ్యానికి హానికరమని వైద్యులు హెచ్చరిస్తున్నారు. సాధారణంగా ఉదయం నిద్ర లేవగానే టీ లేదా కాఫీ తాగే అలవాటు చాలా మందికి ఉంటుంది. ఇది చాలా సాధారణం. కానీ వీటిని ఖాళీ కడుపుతో తీసుకోవడం ఆరోగ్యానికి మంచిది కాదు. టీ, కాఫీలలో టానిన్లు, కెఫిన్ వంటి పదార్థాలు ఉంటాయి. అవి కడుపులో ఆమ్లాల ఉత్పత్తిని పెంచుతాయి. ఇది వాపు, అల్సర్లు, గ్యాస్ట్రిక్ సమస్యలను కలిగిస్తుంది. కొంతమందికి ఖాళీ కడుపుతో టీ తాగడం వల్ల వికారం, తలనొప్పి వంటి సమస్యలు వస్తాయి. మరికొంతమంది ఉదయం నిద్రలేవగానే స్వీట్లు లేదా నూనెలో వేయించిన ఆహార పదార్థాలను తీసుకుంటారు. ఇది శరీరానికి కూడా మంచిది కాదు. మరి ఉదయం ఖాళీ కడుపుతో ఎలాంటి ఆహారాలు తినకూడదు? దీనివల్ల ఎలాంటి ఆరోగ్య సమస్యలు వస్తాయో ఇప్పుడు తెలుసుకుందాం..
స్వీట్లు తింటే ఏమవుతుంది?
సాధారణంగా చాక్లెట్, స్వీట్ స్నాక్స్ ఖాళీ కడుపుతో తినకూడదు. వాటిలో చక్కెర అధికంగా ఉంటుంది. ఈ రకమైన పదార్థాల వినియోగం రక్తంలో గ్లూకోజ్ స్థాయిలలో అకస్మాత్తుగా పెరుగుదలకు కారణమవుతుంది. దీనివల్ల ఇన్సులిన్ స్థాయిలు పెరుగుతాయి. మధుమేహ వ్యాధిగ్రస్తులకు చాలా ప్రమాదకరం. అంతేకాకుండా ఖాళీ కడుపుతో చక్కెర తీసుకోవడం వల్ల కూడా బరువు పెరుగుతారు.
పెరుగు తినొద్దు
పెరుగు ఆరోగ్యానికి చాలా మంచిది. కానీ ఖాళీ కడుపుతో పెరుగు తినకండి. పెరుగులో లాక్టిక్ ఆమ్లం ఉంటుంది. దీనివల్ల కడుపులో ఆమ్లాల ఉత్పత్తి పెరుగుతుంది. ఇది కడుపులో మంటను కూడా కలిగిస్తుంది. భోజనం తర్వాత లేదా రాత్రి పడుకునే ముందు పెరుగు తీసుకోవడం మంచిది.
Also Read: Fire Accident: పాత‌బ‌స్తీలో ఘోర అగ్నిప్ర‌మాదం.. గుడిసెలు ద‌హ‌నం.. ప్ర‌మాదంపై అనుమాన‌పు మంట‌లు
ట్యాబ్లెట్ వేసుకోవద్దు
సాధారణంగా ఖాళీ కడుపుతో మాత్రలు తీసుకోకూడదు. చాలా మాత్రలు కడుపులోని ఆమ్లంతో కలిసిపోయి కడుపు పొరను దెబ్బతీస్తాయి. దీనివల్ల అల్సర్లు, రక్తస్రావం వంటి సమస్యలు వస్తాయి. డాక్టర్ సూచించినట్లయితే కొన్ని ప్రత్యేక మాత్రలను ఖాళీ కడుపుతో తీసుకోవచ్చు. కానీ సాధారణంగా ఆహారం తిన్న తర్వాతే మాత్రలు తీసుకోవడం మంచిది.
అరటిపండ్లు
అరటిపండ్లలో మెగ్నీషియం అధికంగా ఉంటుంది. ఉదయం ఖాళీ కడుపుతో అరటిపండ్లు తింటే రక్తంలో మెగ్నీషియం స్థాయి అకస్మాత్తుగా పెరుగుతుంది. దీని వల్ల గుండె దెబ్బతింటుంది. ఉదయం కాకుండా మధ్యాహ్నం భోజనం తర్వాత లేదా సాయంత్రం అరటిపండ్లు తినడం మంచిది.
టమోటాలు
టమాటాలను ఖాళీ కడుపుతో తినకూడదు. వాటిలో టానిక్ ఆమ్లం ఉంటుంది. ఇది కడుపులో స్రవించే ఆమ్లంతో కలిసిపోయి నష్టాన్ని కలిగిస్తుంది. కాబట్టి, వంట చేసేటప్పుడు వీటిని ఇతర ఆహారాలతో కలిపి తినడం మంచిది.
కారంగా ఉండే ఆహారం
ఖాళీ కడుపుతో కారంగా ఉండే ఆహారాలు తినడం వల్ల కడుపులో మంట, అల్సర్లు వస్తాయి. కారంగా ఉండే ఆహారాలలో ఉండే క్యాప్సైసిన్ కడుపు పొరను చికాకుపెడుతుంది. దీనివల్ల కడుపులో నొప్పి, మంట వస్తుంది.
శీతల పానీయాలు
ఖాళీ కడుపుతో కూల్ డ్రింక్స్ తాగడం వల్ల కడుపులో గ్యాస్ సమస్యలు వస్తాయి. సాఫ్ట్ డ్రింక్స్లో కార్బన్ డయాక్సైడ్ ఎక్కువగా ఉంటుంది. దీనివల్ల కడుపులో గ్యాస్ ఉత్పత్తి పెరుగుతుంది. దీనివల్ల కడుపులో ఉబ్బరం, నొప్పి వస్తుంది. కాబట్టి ఉదయాన్నే ఇడ్లీ, దోస పొంగల్ వంటి ఆహారాలు తినడం మీ ఆరోగ్యానికి మంచిది.