Investment Plan: రిటైర్మెంట్ అయిన తర్వాత ఎవరి మీదా ఆధారపడకుండా, ఆర్థిక గా కష్టాలు పడకుండా హాయిగా జీవించాలని ప్రతి ఒక్కరూ కలలు కంటారు. ఉద్యోగ విరమణ సమయానికి చేతిలో మంచి నిధి ఉండటం నేటి రోజుల్లో అత్యవసరం. అందుకే 50 ఏళ్ల వయసు వచ్చేసరికి చేతిలో కనీసం రూ. 1 కోటి కార్పస్ ఉండాలనేది చాలామందికి ఒక గొప్ప ఆర్థిక లక్ష్యం. అయితే ఈ లక్ష్యాన్ని చేరడం కొందరికి చాలా తేలికవుతుంది, మరికొందరికి మోయలేని భారమవుతుంది. దీనికి కారణం ఆదాయం మాత్రమే కాదు.. మనం పెట్టుబడిని ఎంత త్వరగా ప్రారంభించామనేదే అసలు రహస్యం!
-
లక్ష్యం: రూ. 1 కోటి
-
పెట్టుబడి కాలం: 20 ఏళ్లు
-
అంచనా రాబడి: వార్షికంగా 12%
-
నెలకు చేయాల్సిన SIP: కేవలం రూ. 10,875
35 లేదా 40 ఏళ్లలో మొదలుపెడితే.. ఆలస్యమయ్యేకొద్దీ పెరిగే భారం!
-
35 ఏళ్ల వయసులో ప్రారంభిస్తే: చేతిలో కేవలం 15 ఏళ్ల సమయమే ఉంటుంది. దీంతో నెలకు దాదాపు రూ. 21,020 పెట్టుబడి పెట్టాల్సి వస్తుంది. ఇది 30 ఏళ్ల వయసులో పెట్టే మొత్తం కంటే ఏకంగా 93% ఎక్కువ!
-
40 ఏళ్ల వయసులో ప్రారంభిస్తే: చేతిలో మిగిలేది కేవలం 10 ఏళ్లు మాత్రమే. పదేళ్లలో రూ. 1 కోటి చేరాలంటే ప్రతి నెలా సుమారు రూ. 46,640 SIP చేయాల్సి ఉంటుంది. సమయం సగానికి తగ్గితే, నెలవారీ భారం ఏకంగా నాలుగు రెట్లకు పైగా పెరిగిపోతుందనడానికి ఇదే నిదర్శనం.
‘స్టెప్-అప్ SIP’: మొదట్లోనే పెద్ద మొత్తం పెట్టలేకపోతే ఉత్తమ మార్గం!
-
30 ఏళ్ల వయసు ఉన్నవారు: సాధారణంగా పెట్టాల్సిన రూ. 10,875కి బదులుగా, కేవలం రూ. 7,850 ప్రారంభ SIPతో మొదలుపెట్టవచ్చు.
-
35 ఏళ్ల వయసు ఉన్నవారు: రూ. 21,020కి బదులుగా నెలకు రూ. 16,160తో మొదలుపెట్టి ప్రతి ఏటా 5% పెంచుకుంటే సరిపోతుంది.
-
40 ఏళ్ల వయసు ఉన్నవారు: ఏకమొత్తంగా రూ. 46,640 పెట్టలేని వారు రూ. 37,130తో ప్రారంభించవచ్చు.
సంపద సృష్టించడంలో మార్కెట్ను ఊహించడం కంటే, మార్కెట్లో మనం ఎంత ఎక్కువ కాలం కొనసాగామన్నదే ముఖ్యం. రేపు చేద్దాంలే అని వాయిదా వేయకుండా, ఈరోజే చిన్న మొత్తంతోనైనా SIP ప్రారంభిస్తే 50 ఏళ్ల వయసులో ఆర్థిక స్వాతంత్ర్యంతో సగర్వంగా జీవించవచ్చు!