Weather Report: ఆగ్నేయ బంగాళాఖాతం, తూర్పు మధ్య బంగాళాఖాతం పరిధిలోని మయన్మార్-అండమాన్ పరిసర ప్రాంతాల్లో మరో వాయుగుండం ఏర్పడినట్లు భారత వాతావరణ శాఖ (IMD) వెల్లడించింది. రాబోయే 12 గంటల వ్యవధిలో ఇది మరింత బలపడి తీవ్ర వాయుగుండంగా మారే అవకాశముందని అధికారులు హెచ్చరిస్తున్నారు. ప్రస్తుతం ఈ వాయుగుండం అండమాన్లోని మాయాబందర్ ప్రాంతానికి తూర్పు-ఈశాన్య దిశగా సుమారు 580 కిలోమీటర్ల దూరంలో కేంద్రీకృతమై ఉంది. ఇది క్రమంగా ఉత్తర-వాయవ్య దిశగా కదులుతూ బంగ్లాదేశ్ వైపు దూసుకెళ్లనుంది. రాగల 72 గంటల్లో ఈశాన్య బంగాళాఖాతం నుంచి బంగ్లాదేశ్ తీరం మధ్య ప్రదేశంలో ఇది తీరం దాటే అవకాశముందని వాతావరణ నిపుణులు అంచనా వేస్తున్నారు.
ఆంధ్రప్రదేశ్పై ప్రభావం – వర్ష సూచన..
-
కోస్తాంధ్ర, రాయలసీమల్లో వర్షాలు: ఏపీ వ్యాప్తంగా పలు జిల్లాల్లో ఉరుములు, మెరుపులతో కూడిన తేలికపాటి నుంచి మోస్తరు వర్షాలు కురిసే అవకాశం ఉంది.
-
తీరం వెంట బలమైన ఈదురుగాలులు: తీరం వెంబడి గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉండటంతో లోతట్టు ప్రాంత ప్రజలు అప్రమత్తంగా ఉండాలని, మత్స్యకారులు సముద్రంలో వేటకు వెళ్లకూడదని విపత్తుల నిర్వహణ సంస్థ హెచ్చరించింది.
కళింగపట్నం వద్ద తీరం దాటిన మునుపటి వాయుగుండం – తీవ్ర పంట నష్టం..
-
-
వ్యవసాయ పంటలు: వరి, మొక్కజొన్న, పత్తి వంటి పంటలు సుమారు 13,550 హెక్టార్లలో (దాదాపు 33,850 ఎకరాలు) దెబ్బతిన్నాయి.
-
ఉద్యాన పంటలు: అరటి, బొప్పాయి, కూరగాయల తోటలు 1,030 హెక్టార్లలో (2,500 ఎకరాలు) నీటమునిగాయి.
-
వృక్షాలు: గాలుల ధాటికి 1,304 కొబ్బరి చెట్లు, 670 ఆయిల్ పామ్ చెట్లు నేలకూలాయి.
-
-
APAIMS యాప్ ద్వారా ఎన్యూమరేషన్..
వ్యవసాయ శాఖ అధికారులు ‘ఆంధ్రప్రదేశ్ అగ్రికల్చర్ ఇన్ఫర్మేషన్ మేనేజ్మెంట్ సిస్టమ్’ (APAIMS) యాప్ ద్వారా క్షేత్రస్థాయిలో పంట నష్టాన్ని నమోదు చేస్తున్నారు. రైతుల వివరాలు, బ్యాంక్ ఖాతాలు, నష్టపోయిన పంటల ఫోటోలను అప్లోడ్ చేస్తూ పరిహారం అందించే కసరత్తును ముమ్మరం చేశారు.