Hyderabad: తెలంగాణ రాష్ట్ర అసెంబ్లీలో ఎస్సీ వర్గీకరణ బిల్లుకు ఏకగ్రీవంగా ఆమోదం లభించింది. అన్ని రాజకీయ పార్టీల సభ్యులు ఈ బిల్లుకు మద్దతు తెలపడంతో, అసెంబ్లీలో ఏకగ్రీవంగా ఆమోదించబడింది.
తెలంగాణ ముఖ్యమంత్రి రేవంత్ రెడ్డి ఈ బిల్లును ప్రవేశపెట్టగా, ప్రతిపక్ష పార్టీల సహా అన్ని రాజకీయ పార్టీల నేతలు దీనికి సంపూర్ణ మద్దతు ప్రకటించారు. ఎస్సీ వర్గీకరణ ద్వారా అణగారిన వర్గాలకు సమాన న్యాయం చేయాలనే ఉద్దేశంతో ప్రభుత్వం ఈ బిల్లును తీసుకువచ్చిందని సభలో చర్చ జరిగింది.
సభ్యులు ఈ నిర్ణయాన్ని స్వాగతిస్తూ, సీఎం రేవంత్ రెడ్డికి అభినందనలు తెలిపారు. ఈ బిల్లుతో తెలంగాణలోని ఎస్సీ వర్గాల అభివృద్ధికి మార్గం సుగమం అవుతుందని ఎమ్మెల్యేలు అభిప్రాయపడ్డారు.
రాజకీయాలకు అతీతంగా అన్ని పార్టీలు మద్దతు ఇవ్వడం విశేషం. ఈ బిల్లుతో పాటు, మరిన్ని సామాజిక న్యాయ చర్యలు తీసుకోవాలని ప్రభుత్వం సంకల్పించిందని అధికార ప్రతినిధులు తెలిపారు.
ఈ బిల్లు ఆమోదంతో, కేంద్ర ప్రభుత్వం దీనిపై తక్షణ చర్యలు తీసుకోవాలని తెలంగాణ శాసనసభ విజ్ఞప్తిచేసింది.